एहुना 16:17 - Korwa Bible

¹⁷ हनते ईसूरिकुःआ अदोम चेलाकूतेन कता होड़ेंगा, “ईंग अपांग अगीयिंग सेनता, हनालगा अरू गुनहोन बेला तयोमरे अपे ईंग ओरोपे ञेल अवेतिरिंगा। अरू हना देहोरते अपे ईंगपे ञेल अवेता, माःआने कतायता दो हनाराः मतलोब चिला हवे?

एहुना 16:17 Referans Kwoze

एहुना 16:16

हनते ईसू अरूय कताया, “अरू गुनहोन बेला तयोमरे अपे ईंग ओरोपे ञेल अवेतिरिंगा, अरू हना देहोरते अपे ईंगपे ञेल अवेता।”

एहुना 16:5

मनदो नुँहू ईंगे वारकेरा हाँय एचेरेयिंग सेनतना। हनारे हों अपे अते तोनोंगीग ईंग एचेरे ओरोपे होंबोरतेरा, आम करम सेनतना, माःआन।

मरकूस 9:32

मनदो हँकुःआ चेलाकूतेन हना बड़रा मेरकू बुझाव अवेगन अरू हनारे हों हाँय एचेरे होंबरे लगाकू बोरा।

एहुना 16:19

हँकू ईंग एचेरे होंबरे लगाकू चहाःतना माःआन ईसू सुदीतेडखन हँकू एचेरेय कतातेरा, “ईंग कता उदुःकेरा, अरू गुनहोन बेला तयोमरे अपे ईंग ओरोपे ञेल अवेतिरिंगा, अरू हना देहोरते अपे ईंगपे ञेल अवेता, हना कता बदीरे अँननपे अपे चिला लगापे होंबोर होड़ेंगतना?

एहुना 14:5

हनते तोमा ईसू एचेरेय होंबोरतेड, “ने परबू, अले मेरले सुदीयतना आम करेम सेनता, दो अले करा उड़ी दूरले सुदीय?”

एहुना 12:16

नाःआ कता मड़ंगरे ईसूरिकुःआ चेलाकू मेरकू बुझावगान। मनदो ईसू जियाव रेमनेनखन सेरमो देस तोराय हना तयोमरे हँकू हाँय बदीरे नाःआ कता भगवानराः कागदरे ओजाःतो इदा अरू होड़कू हाँय लगा नाःआकूनकू एचेतेरा माःआनकू उहियार अगूतेरा।

लूका 18:34

ईसू कतातेरा हना तोनोंगाः कता चेलाकूतेन मेरकू बुझाव अवेगान। हना बड़रा हँकू लगा ओकोत इया दोहोना अरू हँकू मेरकू समझाव अवेगान।

मरकूस 9:10

दो हँकुःआ पेनेय चेलाकू नाःआ कताकू अयूम सोलोंग दोहोतेरा अरू अँननकू अँकू कता होड़ेंगा, “गोएगतो अते जियाव रिमुःराः मतलोब चिला हवे?”

एहुना 16:1

अपे बिसवास अहापे अड़ाःगे लगा नाःआ कता अपे एचेरेयिंग कता उदुःकेरा।

एहुना 14:22

हनते इसकरियोती ना लवे हाँयग जूदा, ईसू एचेरेय कताया, “ने परबू, आम चिला लगा आम बदीरे अले एचेरे एकलाम उदुःगेतना अरू चउंदीसरिकुःआ होड़कू एचेरे मेरेम उदुःगेता?”

लूका 9:45

मनदो हँकुःआ चेलाकूतेन ईसू कतातेरा हना कता मेरकू बुझाव अवेगान। हना कता हँकू लगा ओकोत दोहोना अरू ईसू एचेरे होंबरे लगाकू बोरा।

एहुना 16:18

हनालगा हँकू कतातेड, गुनहोन बेला, माःआने कतायता, हनाराः मतलोब चिला हवे? अले मेरले ओंगोल बुझाव अवेनतना।”