एहुना 16:15 - Korwa Bible

¹⁵ अपांग एचेरे इदा हना जमाकून ईंगराः हवे। हनालगा ईंग मड़ंगरेयिंग कताकेरा, हाँय ईंग अतेय अयूमगेता हना कताकून अपेय उदुःवापेता, माःआन।”

एहुना 16:15 Referans Kwoze

एहुना 17:10

ईंग सुदा इदानकुःआ, हँकुःआ बिसवासी होड़कू अनमरिकुःआ हवे अरू आम हँकू ईंगमे जिमावारा। अरू हँकूराः जीवते इनिंगकू मान मरजइतकेरा।

एहुना 3:35

अपांग भगवान अनँयग बेटाय अलार-दुलारता अरू जमा जिनिसकून हनाँय एचेरेय जिमाकेरा।

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

कुलूसी 1:19

भगवान जमालेःआते हाँय एचेरे डेरान लगा बहालतेय ओंगोल दोहोतेरा।

लूका 10:22

भगवान एचेरे ईसू अरजी चबाकेडखन हँकुःआ चेलाकू एचेरेय कताया, “ईंग अपांग ईंग एचेरे जमालेःआए जिमागोतेरा। अपात एकला सुदीयतना बेटात इये हवे अरू अपात इये हवे हना दो बेनेटात एकला सुदीयतना। अरू बेटात उदुःवाकू लगाय चहाःता हँननकुःआ होड़कू होंकू सुदीयता।”

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

कुलूसी 2:9

ईसू मसी चउंदीसरेय दोहोन मेला, भगवानराः लूर जमालेःआ हाँय एचेरे दोहोना।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

कुलूसी 2:3

हनाँयग ईसू भगवानराः जमालेःआ सताय अरू कनहूने उदुःवाबूता।

एहुना 14:21

अनँयग जीवरे ईंगराः कता दोहोकेडखने मनेवाता हाँय ईंगे अलार-दुलारता। ईंगे अलार-दुलारता हाँय ईंग अपांग हों हाँये अलार दुलारता। ईंग हों हाँयिंग अलार-दुलारता अरू ईंग इनिंग बदीरे हाँयिंग उदुःवाता।”