एहुना 15:2 - Korwa Bible

² ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

एहुना 15:2 Referans Kwoze

मती ओजाःतेरा भगवानराः नपाय सरवन 3:10

नुँहू सींग दूब घींग लगा वके सपड़ावतो इदा। नपाय जोःओ मेर जोःता हना जमा सींग दूबकून, घींगकेडखन सेंगेलरेकू बाल लोगोडता।

मती ओजाःतेरा भगवानराः नपाय सरवन 15:13

दो ईसू चेलाकूतेने कतावातेरा, “सेरमो देसरीग ईंग अपांग भगवान मेरेय रोपागडा, हना सींगकून जमा रवीग एंडा जुवाःता।

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।

एहुना 15:8

अपे नपाय बुताकेडखन मुरुक जोःओपे अदेरगोड दो अपे ईंगरिकुःआ चेलाकूपे बड़ाँःता। भगवानराः मान मरजइत नानाः अते होयाःता।

मती ओजाःतेरा भगवानराः नपाय सरवन 13:12

तोनोंगीग एचेरे तोनोंगाः इदा दो हाँयके भगवान अरूय एमेवायता, अरू हाँय एचेरे मुरुक बगरा होया जुवाःता। मनदो तोनोंगीग एचेरे तोनोंगाः कोवानेःआ दो, हाँय एचेरे गुनमिन हों इदा, हना हों हाँय अते भगवान गोःयाता।

मती ओजाःतेरा भगवानराः नपाय सरवन 3:12

अनँयग गोहोम खनहियाड़ अतेय तेय अमिंग लगा अरू अकिडकेडखन पलारे दोहोय लगा हाँयराः हटाः अनँयग तिःईरे इदा। मनदो कहियो मेर इड़ीगगुःता हना सेंगेलरे कुटाय बालगेता।”

मती ओजाःतेरा भगवानराः नपाय सरवन 21:19

हनमेला दूर कुटीरे मीटोंग लुवा दूब ञेलतेडखन ईसू जोःओत इदा माःआनते हना लुवा सींग अगीय सेनेडा। मनदो हना सींगरे सकमतो एकला दोहोना। अरू हाँय हना लुवा सींग एचेरेय कतातेरा, “नुँहू वरीते आम कहियो ओरोम जोनेना।” दो हना लुवा दूब ओहेन झुरायान।

इबरानी 12:15

तोनोंगीग भगवानराः मयाय पवाः अते अनँयग तिःई कुदागे अते सवासितीपे दोहोन। अरू हटी जेर इया तोनोंगाः कताकून अपे तलारे अलो सेडे़याः लगा हों सवासितीपे दोहोन। नाःआ अते होड़कू हलकइन जुवाःता अरू मुरुक होड़कूराः जीव मइलाव जुवाःता।

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

1 कुरिंती 13:1

ईंग सेरमोरिकुःआ बराहीलकूराः अरू होड़कूराः भासीरे होयिंग बड़रा, मनदो ईंग एटाः होड़कू मेरिंग दुलार दो छिपी टका-टोँड़ा इया, अरू खंजड़ी विरीनता हना इया इदानिंगा।

रूमी 8:28

दो अबू सुनुदीबाःगोतेरा, अबू भगवानबू दुलारता अरू भगवानराः ओंगोल इया राः अगूतो इदानबुःआ। दो अबूराः जीवरे होयाःता हना जमाकून अते अबू जीवरे नफा होनोया जुवाःता।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

मती ओजाःतेरा भगवानराः नपाय सरवन 13:33

हनते ईसू हँकू एचेरे अरू मीटोंग अउल-तउल कहड़ीय कतातेरा, “भगवानराः राइज सेबेल सोड़ा इया इदा। मी होड़ अइमी मुरुक बगरा गोहोम गुंडारे सेबेल सोड़ाय सुवेडतेड अरू हना दोहो दोहो जमा गुंडा पुड़सूड़यान।”

मती ओजाःतेरा भगवानराः नपाय सरवन 7:19

नपाय जोःओ मेर जोःता, हना जमा सींग दूबकून रूबकेडखनकू बाल एंडागोडता।

मती ओजाःतेरा भगवानराः नपाय सरवन 25:29

तोनोंगीग एचेरे कहिसाः इदा, दो हाँयके भगवान अरूय एमेवायता। अरू हाँय एचेरे मुरुक बगरा होया जुवाःता। मनदो तोनोंगीग एचेरे कहिसाः मेर दोहोन, दो हाँय एचेरे गुनमिन हों इदा हना हों हाँय अते भगवान गोःयाता।

मरकूस 4:20

नपाय ओतरे लोजोरनेना हना बिहान नाःआ इया होड़कू हवे। हँकू सरवन अयूमकेडखन मुरुक नपायते अँनकूराः जीवरेकू दोहोगोडता अरू सहाव घड़ीन नपायते तीस, साठ अरू मी सव तुरहा जोःओ जोःता।”

एहुना 15:1

हनते ईसू आँयग चेलाकू एचेरेय कतातेरा, “सताय अंगूर दूब ईंग हवे अरू ईंग अपांग किसाड़ हवे।

एहुना 15:3

अपे एचेरे ईंग कता उदुःकेरा, हना सरवनते अपे सुदयनापे।

एहुना 15:6

तोनोंगीग ईंग सुदा मिनी मेरेय दोहोनतान दो हन अंगूरराः नइड़ इया गेडकेडखन तेके एंडागोडता अरू हना नइड़ झुरा जुवाःता। हनते होड़कू हना नइड़ मीरे हलंग जवारकेडखनकू बाल लो एंडागोडता।

रूमी 11:17

नपाय जइतून सींगराः तोनोंग तोनोंग डइड़कून भगवान तपेग एंडागोतेडा अरू पहाड़राः जइतून सींगराः डइड़कून हना नपाय जइतून सींगरेय तोल जोड़ावगोतेडा अरू नुँहू जियाः लगा हना सींगराः जेरते दाःकून पवाःतना।

रूमी 11:22

अपे नाःआ कता बदीरेपे उहियारगोड ञवन। भगवान मया ञवनताय अरू डंडियावकू लगा होंय सुदीयता। हाँय एचेरे मेरकू बिसवासगाड, हँकुःआ होड़कूय डंडियावतेडकुःआ अरू हाँय एचेरेकू बिसवासकेरा अपेय मयावागोड ञवनतना। अपे मेरपे बिसवासगे दो अपे हों हना डइड़ इयाय तपेग एंडागोडपेताय।