एहुना 15:16 - Korwa Bible

¹⁶ अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

एहुना 15:16 Referans Kwoze

एहुना 15:19

अपे नाःआ चउंदीसरिकुःआ होड़कूपे दोहोकुः दो चउंदीसरिकुःआ होड़कू अँननकू इया अपेकू अलार-दुलारकेःआ। मनदो अपे नाःआ चउंदीसरिकुःआ होड़कू ना लवे अरू ईंग अपे चउंदीस अते सुनावकेडखनिंग एटाःकेडपेःआ। हननलगा चउंदीसरिकुःआ होड़कू अपेकू हिनइस-बिनइसवाता।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

लूका 6:13

अंगुः निंदावा ईसू अनँयग चेलाकूय राः जुमावतेरा। हाँय हँकू अते बारहगोटोंग होड़कूय लुंबाड़तेरा अरू आँयगरिकुःआ मूक चेलाकूय कतावातेडकुःआ।

गलातिया 1:15

मनदो ईंग जनमावगुः अते मनाड़ंग भगवान अनँयग मयाते ईंग एटाःगिंग लगाय ओंगोल दोहोतेरा।

1 एहुना 4:19

मड़ंगरे भगवान अबूय दुलारकेरा। हनालगा भगवान अरू एटाः होड़कूबू दुलार अवेकूता।

मूक चेलाकू 22:14

हनते हनानियाह ईंग एचेरे अरूय कतातेड, अबूरिकुःआ खुटिपरिया होड़कूरीग भगवान आँयगराः ओंगोलमे सुदी लगा अरू आँयगरीग सुद होड़मे ञेल लगा अरू हाँयराः आहते आँयगराः बड़राम अयूम लगा आमे सुनावकेडमेःआ।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

एहुना 13:18

ईंग सुनावकेडकुःआ, हँकूयिंग सुसुदीतना। नुँहू अपे जमाकू बदीरे मेरिंग कतायतना, मनदो भगवानराः कागदरे ओजाःतो इदा हना कता होनोयाः लगा इदा। ईंग सुदाय जोमा हाँयग होड़, ईंगरीग मुदइ होड़े बड़ाँवनेना।

एहुना 6:70

दो ईसू कतातेड, “ईंग इनिंगते अपे बारहो होड़कूयिंग सुनावकेडपेःआ। हनारे हों अपे अते मी होड़ कलउरीग होड़ हवे।”

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

1 एहुना 4:10

अबू भगवान मेरबू अलार-दुलारगरिया, मनदो भगवान अबूय अलार-दुलारकेरा अरू अबूराः कसूर बराव एंडाकेडखन एचे मनावगेय लगा अनँयग बेटात अबू लगाय डंडियावतिरिया। नाःआ अते भगवान अबूय दुलारकेरा।

मूक चेलाकू 1:24

हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ।

1 पतरस 3:2

अपेराः सुद अरू भगवानराः अकूसपे मनाःता हना लूर-नेवनकू ञेल घड़ीन, बेगर कताते भगवानराः सरवनकू बिसवास अवेयता।

रूमी 15:4

भगवानराः कागदरे मनाड़ंगते ओजाःतो इदा हना कताकून अँननबू चिडुः लगाकू ओजाःकेरा। हना सरवनते अबू सहाव घड़ीन बहालतेबू दोहो अवेनता। अरू हनालगा अबू भगवान एचेरेबू असरा अवेयता।

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

मती ओजाःतेरा भगवानराः नपाय सरवन 21:22

जे हों सकालाः अपे बिसवासकेडखन अरजी घड़ीनपे असेय हना जमा अपे पवाव जुवाःतापे।”

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

1 कुरिंती 10:11

अबू इसराएल होड़कू इया अलोबू होयाः लगा नाःआ जमाकून हँकू जीवरे होयानेना। अबू टुटीगगुः अते मड़ंग बेलारे इदानबुःआ। नाःआ जमाकून अबू लगा ओजाःतो इदा, जेमहा अबू सवासितीबू दोहोन।

रूमी 9:21

अरू मी होड़ कुंभार अनँयग ओंगोल इया गोलहात हासते ननपाय बुता लगा अरू सगर दिनराः बुता लगा भंडाकून तुला लगा हाँय एचेरे हातपात कोवानेःआ जा?

एकूब 3:18

सलसतिया होड़कू होड़कूकू राजू नमागोडता अरू हनाते हँकुःआ होड़कू भगवानराः ओंगोल इया नपाय लूर-नेवनराः जीवकू जियाःता।

इबरानी 11:4

बिनिसवासते हाबील वगात काइन अते मुरुक नाय नपाय बलिदान भगवान लगाय देगतेरा अरू भगवान हाँयराः बलिदान बदीरेय ननायनेना। हनानाः लगा हाबील बेगर गारबारीग होड़ हवे, माःआन भगवान भल-भलायवातेरिया। हाँय गोएगयनाय हनारे हों, नुँहू वरी हों हाँयराः बिसवास बदीरेबू चेडगोड ञवनतना।

तितूस 1:5

ने बेटा, ईंग करेत डुगूरे आमिंग अटूतेडमेःआ, जेमहा कलसियाराः बुता मेरिंग चबा अवेगाड हना बुता चबागे लगा अरू ईंग कतावातेडमेःआ हनन इया, जमा सहरकूनराः कलसियारे अगुवा होड़कूम सुनावकू।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

मूक चेलाकू 10:41

हाँय जमा होड़कू एचेरे मेरेय एचे ञेलगान मनदो भगवान सुनावतेडकुःआ हँकुःआ हिदइतियाकू एचेरेय एचे ञेलयान। हाँय जियाव रेमकिया हना तयोमते हाँय सुदाकू जोम-ञूया, हँनकुःआ होड़कू एचेरेय एचे ञेलयान।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मती ओजाःतेरा भगवानराः नपाय सरवन 7:7

अपे असेगोड ञवन दो, भगवान अपे लगाय एमेयता। ञामगोड ञवन दो, अपे पवाव जुवाःता। दुवारपे टोकोःगोड ञवन दो, भगवान अपे लगाय गीगगोडता।

एहुना 15:5

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।