एहुना 15:12 - Korwa Bible

¹² ईंगराः हुकुम ननाः हवे, ईंग अपेयिंग अलार-दुलारता। हनन इया अपे होँपे अलार-दुलार होड़ेंग।

एहुना 15:12 Referans Kwoze

1 एहुना 4:21

भगवान अबू लगा नाःआ इयाय हुकुमकेरा, भगवान सुदाय दुलारता हाँयग होड़ एटाः बिसवासी होड़कू हों अलार-दुलारकू लगा इदा।

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

1 पतरस 4:8

भगवानराः कागदरे ओजाःतो इदा, “अपे एटाः होड़कूपे दुलार दो, हँकूराः मुरुक कसूरकूनतेपे कता बनसावकूता।” हनालगा अपे नाःआ मनइद कता इया अँननपे अपे इनिंदरी इंदरीते अलार-दुलार होड़ेंग ञवनपे।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

रूमी 12:10

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 तिसलूनिका 4:9

अरू अलार-दुलार होड़ेंग लगा भनगवान अतेपे चेडकिया। हनालगा अपे अलार-दुलार होड़ेंग बदीरे ईंगके ओओजाः लगा कोवानेःआ।

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

एहुना 15:17

अपे अलार-दुलार होड़ेंगगोड ञवन लगा, ईंग नाःआ हुकुमकून अपे लगायिंग एमेयतना।

2 एहुना 1:5

ईंग मेसेयिंग, आम लगा मीटोंग नँवाःआ हुकुम मेरिंग ओजाःगरा। नाःआ हुकुम मनाड़ंगते इदा अरू आम एचेरेयिंग असेयतना, अबू अँननबू अबू दुलार होड़ेंग इदा।