एहुना 15:11 - Korwa Bible

¹¹ ईंग मुरुक बहालरे इदानिंगा। हनन इया अपेराः जीव हों मुरुक बनाहाल जुवाः लगा नाःआ कता अपे एचेरेयिंग कताकेरा।

एहुना 15:11 Referans Kwoze

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

एहुना 17:13

नुँहू ईंग आम एचेरेयिंग सेनता। नँकुःआ होड़कू इनिंग इया बहालतेकू दोहोन लगा चउंदीसरे दोनोहोन मेलायिंग अरजीतना।

एहुना 16:24

नुँहू वरी अपे ईंगराः ञावते कहिसाः मेरपे असेगरा। अपेराः जीव अहाल-बहाल जुवाः लगा ईंगराः ञावतेपे असेय, दो पवाव जुवाःतापे।

1 एहुना 1:4

नाःआ कताते अबू जमालेःआते बहालगुः लगाले ओओजाःतना।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

2 एहुना 1:12

आम लगा मुरुक बड़रा ओओजाः लगा इदा। मनदो ईंग चिठीरे ओरोयिंग ओजाःतेरा। आम सुदा जुमाः लगायिंग असरागेतना। हननमेला आम सुदा मुहा-मूहिंग बुतुड़ुता, जेमहा अबू मुरुकबू बहाल जुवाः।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

2 कुरिंती 1:24

अपे बिसवासरे बड़ियाड़ इदानपेःआ। हनालगा अपेराः बिसवास बदीरे अपे एचेरे हातपातगे लगा मेरले चहाःतना। मनदो अपे बहालगुःता हनारे संघरावापे लगाले चहाःतना।

1 तिसलूनिका 5:16

जमा बेला बनाहालतेपे दोहोन।

लूका 15:32

मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”

लूका 15:9

हना रिचकी ढिबुवाय पवाव जुवाःतान दो, हाँय अनँयग सउंगताकू अरू परुसीकू जुमावकेडखने कतायता, ईंगराः केड़ेत रिचकी ढिबुवायिंग ञामकेरा। नानलगा अपे जमाकू ईंग सुदापे बहालगुः।”

पिलिपी 1:25

दो ईंग सुनुदीबाःगोतेडिंग, ईंग जीयत दोहोकियानखन भगवान एचेरे अपेराः बिसवास बड़ियाड़गुः लगा अरू हनानाः बिसवासरे अपे बनाहालतेपे दोहोन लगायिंग संघरावापेता।

इपीसी 5:18

कोसोड़ा-दारूरे अहापे झड़ीगे। नाःआते हउड़ी होड़कूपे बड़ाँव जुवाःता। मनदो भगवानराः सुद बिरुवाते पेनेरेगगोड ञवनपे।

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

लूका 15:5

हनते हाँयग भेड़ाय ञामगोडतान दो, हाँय बहालते पसारेय दोहेँ अगुगेयता।

लूका 15:23

अरू असूलतो बसरू अगूकिरिगखनपे ञेंडेय। अबू नाँयराः बहालतेबू जोमेयता।