25 नाःआ जमा कता ईंग अपे सुदा दोनोहोन मेलायिंग कतातेरा।
हना कता होयाः अते मड़ंग ईंग अपे एचेरेयिंग उदुःगेतना, अरू हना होया जुवाः दो अपे बिसवासगेता ईंग हनाँय हवे माःआन।
अपे एचेरे ईंगके अरू मुरुक बड़रा ककाता इदा। मनदो नुँहू हना कता अपे ओरोपे ओंगोल बुझाव अवेनेना।
ईंग मुरुक बहालरे इदानिंगा। हनन इया अपेराः जीव हों मुरुक बनाहाल जुवाः लगा नाःआ कता अपे एचेरेयिंग कताकेरा।
नाःआ कताकून होया जुवाःतान मेला अपे बिसवासगे लगा हना कताकून होनोयाः अते मड़ंग अपे एचेरेयिंग कताकेरा।
ईंग मेरेय अलार-दुलारगींगता हाँय, ईंगराः सरवन मेरेय मनेवाता। अपे अयुमेता हना सरवन इनिंगराः कोवान, मनदो ईंगे वारकेरा ईंग अपांगराः हवे।
मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।
