एहुना 14:16 - Korwa Bible

¹⁶ अरू ईंग अपांग एचेरेयिंग अरजीगेता अरू हाँय अपे लगा अरू एटाःयीग संघरादारे वारता। हाँय अपे कहियो ओरोय अड़ाःतेडपेःआ।

एहुना 14:16 Referans Kwoze

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

एहुना 15:26

मनदो संघरादार, ईंग अपांग अगीते अपे एचेरेयिंग वारेयता, हाँय अपे एचेरेय वेग मेला ईंग बदीरेय कता उदुःगेता। हाँय भगवान अगीतेय वेगता हान सतायराः बिरुवा हवे।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

रूमी 14:17

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।

मूक चेलाकू 9:31

हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।

1 एहुना 2:1

ने ईंगरिकुःआ लइंकू इया होड़कू, अपे अहापे कसूरगे लगा ईंग नाःआ कता अपे लगा ईंग ओजाःगेतानिंग। मनदो तोनोंगीग होड़ कसूरगे दो, बेगर गारबारीग ईसू मसी अबूराः कसूर बराव एंडागे लगा उकील इया अपात भगवान एचेरे इदानिया।

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

पिलिपी 2:1

ईसू मसी अपेय कता-बहालकेरा अरू हाँय दुलारकेडपेखन अपेराः जीवे हड़ियाड़केरा। सुद बिरुवा अपेय मिनी जुमूटकेडपेःआ अरू अपे अँननपे अपे सोगा होड़ेंगतना अरू मया होड़ेंगतनापे।

रूमी 5:5

भगवान अनँयगराः सुद बिरुवा अबू लगाय एमेकेरा अरू हाँयग सुद बिरुवा अबूराः जीवरे भगवानराः दुलारे पेरेगकेरा। हनालगा अबू असरागेता, हनारे अबूराः जीव मेर हुडिंगगुःता।

मूक चेलाकू 13:52

मनदो अंतकियारिकुःआ चेलाकू भगवानराः सुद बिरुवाते पेरेगतोकू दोहोना अरू हँकू मुरुक बहालतेकू दोहोना।

एहुना 17:15

हँकू नाःआ चउंदीस अते रेम गोःयाकू लगा ईंग मेरिंग अरजीतना। मनदो बेलूरीग अते हँकूम बनसाव हड़ाःकू लगायिंग अरजीतना।

एहुना 14:18

ईंग टुरा लइंकू इया अपे एकला ओरोयिंग अड़ाःतेडपेःआ, मनदो अपे एचेरेयिंग कुदा वेगता।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

एहुना 14:14

ईंगराः ञावते अपे ईंग एचेरे तोनोंगाःपे असेय दो हनायिंग एनेचेगोडता।

एहुना 17:20

ने अपांग, ईंग नँकुःआ चेलाकू लगा एकला मेरिंग अरजीतना, मनदो नँकू कतायता हना सरवनते ईंग एचेरेकू बिसवासगेता, हँकुःआ होड़कू लगा होयिंग अरजीतना।

एहुना 16:22

हनन इया नुँहू अपे उसियाड़ीकिया, मनदो अपे सुदा अरूयिंग जुमाःता अरू अपेराः जीव बहाल जुवाःता। नाःआ बहाल तोनोंगीग अपे अते ओरोकू चलाः अवेतेरा।

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

मूक चेलाकू 1:4

मी दिन ईसू आँयग चेलाकू सुदा जोजोम मेला हँकू एचेरे नाःआ हुकुमे एमेतेरा, “एरुसलेम सहर अते अपे अहापे सेन। मनदो भगवान जबानकेरा हना पवाः लगा ननंडापे तंगीगोड ञवन। अरू नाःआ कता बदीरे ईंग अपे एचेरे मड़ंगरेयिंग कतातेरा।

1 एहुना 2:27

मनदो अपे लगा भगवान सुद बिरुवाय एमेकेरा। दो तोनोंगीग एटाः होड़ अपे चेडपे लगा कोवानेःआ। सुद बिनिरुवा अपे जमा कताकून एचे सुदीपेता अरू हाँय उदुःवापेता हना कता लबरा ना लवे, मनदो सनाताय हवे। सुद बिरुवा अपेय चेडकेरा हनन इया मसी सुदापे सनालावगोड ञवन।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।