एहुना 13:1 - Korwa Bible

¹ पसहा परोब बुँहड़ीन अते मड़ंग ईसू सुदीगोतेडे, नाःआ चउंदीस अड़ाःकेडखन ईंग अपांग एचेरे सेन लगा बेला निचकाःतना। अरू चउंदीसरे इदानकुःआ आँयग निकता होड़कू हाँय मुरुके दुलारकेडकुःआ अरू हनन इया हँकू सगर सइटे दुलारकूता।

एहुना 13:1 Referans Kwoze

एहुना 12:23

दो ईसू कता उदुःतेरा, “मनुवारीग बेटातराः मान मरजइत होयाःराः बेला सोदोरयना।

1 एहुना 4:19

मड़ंगरे भगवान अबूय दुलारकेरा। हनालगा भगवान अरू एटाः होड़कूबू दुलार अवेकूता।

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

एहुना 16:28

ईंग अपांग अगीते नाःआ चउंदीसरेयिंग वेगकिया। ईंग नाःआ चउंदीस अड़ाःकेडखन ईंग अपांग एचेरे अरूयिंग सेनता।”

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 18:4

होनोयाः लगा दोहोना हना जमाकून ईसू सुदीतेरा अरू हँकू एचेरे सेनेडखने होंबोरतेडकुःआ, “अपे इयेपे ञामतना?”

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

एहुना 17:16

ईंग चउंदीसरीग ना लवे हनन इया हँकू हों चउंदीसरिकुःआ ना लवे।

एहुना 17:1

दो ईसू नाःआ जमाकून कतातेड तयोमरे सेरमो अगी संगीलतेडखने अरजीतेरा, ने अपांग भगवान, बेला सोदोरयना। आम ईंगमे एचे मान मरजइत अरू नाःआते ईंग आमिंग एचे मान मरजइतता।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

एहुना 17:5

दो ने अपांग, चउंदीसमे तुला अते मड़ंगरे ईंग आम सुदायिंग दोहोना, हनन मेलाःआ मान मरजइत नुँहू एमेवायिंगमे।

मती ओजाःतेरा भगवानराः नपाय सरवन 26:45

हनते हाँय चेलाकूतेन एचेरे अरूय कुदा वेजेडा अरू हँकू एचेरेय कताया, “अपे नुँहूमिन अपीगगोड ञवनतनापे जा? होयायना। कसूर होड़कू एचेरे मनुवारीग बेटाते एचे साबगेयता हना बेला सोदोरयना।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

इबरानी 6:11

अपे जमाकू एचेय लगा ननन इया टुटीग बेला वरी ओसताजपे दोहोन लगाले चहाःतना, जेमहा अपे असराकेरा हना जमा दहिनकूनपे पवाव जुवाः।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

रूमी 8:37

मनदो नाःआ इयाःआ जमा कताकूनरे, अबूय दुलारकेरा हाँयग ईसू मसीते, अबू जिनितावबाः जुवाःता।

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

एहुना 14:28

अपे ईंग कतातेरा हनापे अयूमतेरा, ईंग सलाःतना अरू अपे एचेरेयिंग कुदा वेगता, माःआन। ईंग अपांग ईंग अते मरंग इदानिया। हनालगा ईंग अपांग एचेरेयिंग सेनता अरू अपे ईंगपे दुलारकेःआ दो अपे नाःआ कताते बहाल जुवाःकुःआपे।

एहुना 11:55

पसहा परोब लेनेसान सुदुरुःआ अरू मुरुक होड़कू अँननकू अँकू सुदगुः लगा परोब अते मड़ंग गाँव डीहकून अते एरुसलेम सहरकू सेनेडा।

एहुना 7:30

हनते एहूदाकूरिकुःआ मूक होड़कू ईसू साबगेय लगाकू ओंगोलतेरा। मनदो हाँय साबराः बेला मेर होयागान, हनालगा तोनोंगीग मेरकू साब अवेगडीग।

एहुना 7:6

दो ईसू हँकू एचेरेय कतातेड, “नुँहू वरी परोब सेन लगा ईंगराः बेला अरीन सुदुरुःआ। मनदो अपे तोनोंग बेलापे सेने अवेनता।

एहुना 6:4

दो एहूदाकूराः पसहा परोब निचकाःआ।

लूका 22:53

भगवान ओड़ाःरे ईंग सगर दिन होड़कूयिंग चेडा। हनमेला अपे ईंग साब लगा मेरपे वेगगान। मनदो नुँहू अंदरारे कलउ अनँयगराः जंगरतेय बुतातना दो, अपेके दोंग होयायना।”

लूका 9:51

ईसू सेरमो देस अगी सेनराः बेला पुरा वेगा दो, हाँय एरुसलेम सेन लगाय ओंगोलतेरा।

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

एहुना 8:20

नाःआ कता भगवानराः ओड़ाःरे दसिना बकसा धरीरे ईसू चेचेडा। मनदो हाँय एचे साबेयराः बेला मेर होयागान, हनालगा तोनोंगीग मेरकू साबगडीग।

एहुना 2:13

दो एहूदाकूराः पसहा परोब लेनेसान निचकाःआ दो ईसू मरंग सहर एरुसलेम अगीय रकबनेना।

एहुना 13:29

दो ढिबुवाकूनराः बगलीराः जिमेवारी होड़ जूदा दोहोना। अरू ईसू परोब लगा कहिसाः किजा लगा सहे गरीब होड़कू कहिसाः एमेवाकू लगाय कताकेरा माःआन अदोमकू ओंगोलतेरा।

एहुना 14:31

मनदो अपांग ईंग एचेरेय हुकुमकेरा, हनानाः इयायिंग एचेयता। नाःआते चउंदीसरिकुःआ होड़कू सुदीगोडता, ईंग अपांगिंग अलार-दुलारता, माःआन। दोबू अबू रिमुः अरू नानतेबू सेन।”

एहुना 19:28

ईसू ईंगराः सेवा चबायना माःआने सुदीतेडखन भगवानराः कागदरे ओजाःतो इदा हना कता होनोयाः लगाय कतातेरा, “ईंग ततंगकिरिंगा।”