एहुना 12:20 - Korwa Bible

²⁰ पसहा परोबरे भगवान जाग लगाकू वेगनेना, हँकुःआ होड़कू अते अदोम बेगर एहूदाकू दोहोना।

एहुना 12:20 Referans Kwoze

एहुना 7:35

नाःआ अयूमतेडखन एहूदाकूरिकुःआ मूक होड़कू कता होड़ेंगा, “नाँय ओरोबू ञाम अवेतिरिया इया नाँय कराय सेनता? नाँय बेगर एहूदाकू तलारे सितिर-बितिरयनाकू हँकुःआ एहूदाकू एचेरे सेनेकियानखन बेगर एहूदाकू होंय चेडता जा?

मूक चेलाकू 17:4

तोनोंग तोनोंग एहूदाकू अरू भगवानकू मान मरजइतता हँकुःआ बेगर एहूदाकू अरू हना सहररिकुःआ तोनोंग तोनोंग मरंग मरंग अइमीकू हों नाःआ कता बिसवासकेडखन पउलूस अरू सिलास सुदा बिसवासी होड़कूराः गउदारेकू मेसायान।

मूक चेलाकू 8:27

दो हाँय सपड़ावनेनखन तोराय, अरू सेनेन दूररे कूस देसरीग रानी कंदकीरीग मरंग हातपात होड़े ञेलतेरा। हाँय चकुराय दोहोना अरू हना राइजराः ढिबुवाकूनरीग जिमेवारी होड़े दोहोना। हाँयग होड़ एरुसलेम सहररे भगवान ओड़ाःरे भगवान जाग घड़ीन सेवा लगाय सेनेडा।

मरकूस 7:26

हाँय ईसूराः बदीरेय अयूमतेरा अरू हाँय ओहेन ईसू एचेरे वेजेडखन हाँयराः काट कुटीरेय तबेरयान। हाँयरीग बिटीत अते भूत एचे उडुंगगेय लगा ईसू एचेरेय असेःआ।

गलातिया 2:3

तितूस बेगर एहूदा होड़े दोहोना। हनते हों एरुसलेमरे ईंग सुदाय दोहोन मेला, हाँय खतनागेय लगा मेरकू रेनहागडीग।

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 16:1

पउलूस अरू सिलास दिरबे सहररेकिन सोदोरनेन अरू हनाते लुसतरा सहररेकिन सेनेडा। हंडा तिमुतियूस ञावीग मी होड़ ईसूरीग चेला दोहोना। हाँयरीग एंगात ईसू एचेरेय बिसवासगेःआ मी होड़ एहूदा अइमी दोहोना अरू हाँयरीग अपात बेगर एहूदा होड़े दोहोना।

मूक चेलाकू 14:1

हनते पउलूस अरू बरनाबास अंतकियारेकिन एचेयतेरा हनन इया इकुनियुम सहररे एहूदाकूराः अरजी ओड़ाःरेकिन सेनेडा। हँकिन मुरुक नपायतेकिन परसारतेरा अरू एहूदाकू अरू बेगर एहूदाकू अते मुरुक बगरा होड़कू ईसू एचेरेकू बिसवासतेरा।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

रूमी 10:12

भगवानराः ओंगोलरे एहूदाकू अरू बेगर एहूदाकू जमाकू मिनी इदानकुःआ, अरू तोनोंगीग एटाः कोवाकुःआ। जमाकू लगा मिनीटोंग परबू इदानिया अरू हाँय एचेरेकू अरजीता, हँकुःआ होड़कू मिनी जीवकियानखने सडावकूता।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

एहुना 12:1

पसहा परोबराः छो दिन मड़ंग ईसू गोएगतो अतेय जियाव रेमतिरिया हाँयग लाजरराः गाँव बेतनियारेय वेजेडा।

एहुना 12:19

दो फरीसी होड़कू अँननकू अँकू कता होड़ेंगा, “ञेलकूपे, मुरुक होड़कू हाँय देह दूरकू ओतोंगतना अरू अबू कहिसाः मेरबू एचे अवेता।”