10 दो मरंग पुजउरीकू लाजर हों ञेड एंडा लगा बुइदकू तुलातेरा।
इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”
तयोमरे हरदोस राजा सुदीगोतेडे, “हँकुःआ कनहूनदार होड़कू ईंगकू अडिगकेरा।” दो हरदोस राजा मुरुके रीसनेन अरू हाँय आँयगरिकुःआ होड़कू बेतलेहेमरेय वारगोतेडकू। हाँय कनहूनदारकू अतेय सुदीतेरा हना बेला इया बेतलहेम सहररिकुःआ बार बरिस अते हुडिंग हुडिंग जमा हेरेल होनकूय एचे ञेड एंडा गोतेडकू।
मनदो मरंग पुजउरीकू अरू फरीसी होड़कू ईसूकू साब लगा नाःआ इयाकू हुकुम अटूतेरा, ईसू करे इदानिया हना तोनोंगीग होड़ सुदीय दो, हाँय अले एचेरेय उदुःगे, माःआन।
मनदो फरीसी होड़कू हंडा अते तोराकू अरू ईसू ञेड एंडाय लगाकू ओंगोलतेरा।
ईसू हंडा इदानिया माःआन मुरुक एहूदाकू सुदीतेरा अरूकू वेजेडा। हँकू गोएगतो अते ईसू जियाव रेमतिरिया, हाँयग लाजर ञेल लगा होंकू वेजेडा।
लाजर जियाव रेमनेना हना ओजाहते मुरुक एहूदाकू अँकूरिकुःआ मूक होड़कूराः चेडतो अड़ाःतेडखन ईसू एचेरेकू बिसवासगेःआ।
