एहुना 11:45 - Korwa Bible

⁴⁵ हना तयोमरे मरियम सुदाकू वेजेडा हँकुःआ एहूदाकू अते मुरुक होड़कू ईसू एचेतेरा हना बुता ञेलतेडखन हाँय एचेरेकू बिसवासतेरा।

एहुना 11:45 Referans Kwoze

एहुना 11:19

दो मारता अरू मरियम कता बहालकिन लगा मुरुक एहूदाकूरिकुःआ मूक होड़कू हंडाकू वेजेडा।

एहुना 2:23

ईसू पसहा परोब मेला एरुसलेमरेय दोहोना अरू हाँय मुरुक बयाव जुवाः इयाःआ बुताय एचेतेरा। हना ञेलतेडखन मुरुक होड़कू हाँय एचेरेकू बिसवासतेरा।

एहुना 12:42

हनारे हों मूक होड़कू अते मुरुक बगरा होड़कू ईसू एचेरेकू बिसवासतेरा। मनदो हँकू, फरीसी होड़कू अले अरजी ओड़ाः अते उडुंगगोडलेताकू, माःआनकू बोरा। हनालगा हँकू अँकूराः बिसवास बदीरे मेरकू कता उदुःगाड।

एहुना 11:31

मरियम सुदा ओड़ाःरेकू दोहोना अरू हाँयकू कता बहाला, हँकुःआ एहूदाकू मरियम ओहेन रेमनेनखने उडुंगयान हनाकू ञेलतेरा। दो हँकू ओंगोलतेरा, नाँय मड़गटरे फिकीर लगाय सलाःतना। अरू हाँय तयोम तयोम हँकुःआ होड़कू होंकू सेनेडा।

एहुना 10:41

मुरुक होड़कू हाँय एचेरेकू सेनेडा अरू हँकू कताया, “एहुना तोनोंगाः बयाव जुवाः इयाःआ बुता मेरेय उदुःगाड। मनदो एहुना नाँयग होड़ बदीरेय कतातेरा, हना जमा कताकून सनाताय दोहोना।”

एहुना 7:31

हनते हों मुरुक होड़कू हाँय एचेरेकू बिसवासतेरा अरूकू कताया, “मसी वेग मेला नाँयग होड़ अते बगरा बयाव जुवाः इयाःआ बुताकूने एचेयता जा?”