एहुना 10:29 - Korwa Bible

²⁹ ईंगरीग अपांग भगवान, हँकुःआ होड़कू ईंग तिःईरेय जिमाकेडकुःआ अरू हाँय जमाकू अते मरंग इदानिया। अरू तोनोंगीग हँकू ईंग अपांगराः तिःई अते ओरोकू गोः अवेतेडकुःआ।

एहुना 10:29 Referans Kwoze

एहुना 6:37

ईंग इनिंगराः ओंगोल इया एचेय लगा सेरमो देस अते मेरिंग वेगगना। मनदो ईंगे वारकिरिंगा हाँयराः ओंगोल इया बुता पुरावगे लगायिंग वेगकिया।

एहुना 17:9

हँकुःआ होड़कू अनमरिकुःआ हवे। हनालगा ईंग नुँहू आम ईंग एचेरेम जिमाःकेडकुःआ हँकू लगायिंग अरजीतना। नुँहू चउंदीसरिकुःआ जमा होड़कू लगा मेरिंग अरजीतना।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 14:28

अपे ईंग कतातेरा हनापे अयूमतेरा, ईंग सलाःतना अरू अपे एचेरेयिंग कुदा वेगता, माःआन। ईंग अपांग ईंग अते मरंग इदानिया। हनालगा ईंग अपांग एचेरेयिंग सेनता अरू अपे ईंगपे दुलारकेःआ दो अपे नाःआ कताते बहाल जुवाःकुःआपे।

एहुना 17:6

नाःआ चउंदीस अते ईंगमे जिमावातेरा, हँकुःआ होड़कू एचेरे आमिंग एचे सुदीगोतेडा। हँकू आमरिकुःआ दोहोना अरू आम हँकू ईंगमे जिमावातेरा अरू हँकू आमराः सरवनकू मनेवारा।

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

एहुना 10:30

ईंगरीग अपांग अरू ईंग मिनी हवे।”