एहुना 10:14 - Korwa Bible

¹⁴ नपाय सरवाहा ईंग हवे। ईंग ईंगरिकुःआ भेड़ाकूयिंग सुदीता अरू ईंगरिकुःआ भेड़ाकू ईंगकू सुदीता।

एहुना 10:14 Referans Kwoze

एहुना 10:27

ईंगरिकुःआ भेड़ाकू ईंगराः अरोकू अयूमता। ईंग हँकूयिंग सुदीता अरू हँकू इनिंग देह दूरकू वेगता।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

एहुना 10:11

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

पिलिपी 3:8

हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।

इपीसी 3:19

अबूराः कनहूनते ओरोबू ओंगोल तजाः अवेतेरा, हना दुलारबू सुदी अवेय लगा होयिंग अरजीतना, जेमहा भगवानराः जमालेःआते अपेराः जीव उडु-बुडू जुवाः।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

उदुःतो कताकून 2:19

“ईंग अपेराः बुता, बिसवास अरू सेवायिंग सुसुदीतना। अपे एटाःकू सुदा करा इया अलार-दुलाररे अरू सहाव घड़ीनपे दोहोनता, हना होयिंग सुसुदीतना। अरू नुँहू अपे मड़ंग अते, अरू बगरा नपाय बुतापे बुतातना।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

उदुःतो कताकून 3:15

“ईंग अपेराः बुतायिंग सुसुदीतना। अपे लड़ेगतो सहे लोलो कोवापेःआ। अपे लड़ेगतो सहे लोलोपे दोहोकुःआ दो नपाय दोहोकुःआ।

उदुःतो कताकून 3:8

“ईंग अपेराः बुतायिंग सुसुदीता। ञेलपे, ईंग अपे मड़ंगरे मीटोंग दुवारिंग गीग दोहोकेरा। हन तोनोंगीग ओरोकू सींग अवेतेरा। अपे एचेरे गुनमिन सवांग दो इदा। हनते हों अपे ईंगराः सरवनपे मनावकेरा अरू ईंग मेरपे आड-बेकारवारिंगा।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

उदुःतो कताकून 3:1

सरदीस सहरराः कलसियारीग बराहील लगा नाःआ चिठीम ओजाः, सातगोटोंग बिरुवाय वारेयता अरू सातगोटोंग इपीलकू साबतोयीग नाःआ इयाय कतायतना, “ईंग अपेराः बुताकूनिंग सुसुदीतना। होड़कू हँकू जीयत इदानकुःआ, माःआनकू कतावापेता, मनदो अपे गोएगतो इदानपेःआ।

एहुना 10:13

हाँय मंजूरी होड़े दोहोनता, हनालगा हाँय ञीर एंडा अटूकूता अरू भेड़ाकू मेरेय ओंगोलकूता।