एहुना 10:12 - Korwa Bible

¹² मंजूरीया होड़ सरवाहा मेरेय दोहोनता सहे भेड़ाकूरीग मालिक हों मेरेय दोहोनता। हनालगा रमू बुःआ वेगतोय ञेलेयतान दो, हाँय भेड़ाकूय ञीर एंडा अटूकूता। हनमेला रमू बुःआ भेड़ाकू साबकेडखने रिती-छितीगोडकूता।

एहुना 10:12 Referans Kwoze

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

1 तिमुतियूस 3:8

ननन इया कलसियारिकुःआ सेवकिया होड़कू, मान मरजइतगेयीगकू दोहोन अरू बार जीव ओंगोल होड़कू अहाकू दोहोन। हँकू बुनूलतो होड़कू अलोकू होयाः अरू तोनोंग इयाराः ढिबुवा ललचीरे अहाकू दोहोन।

1 तिमुतियूस 3:3

हाँय बुनूलतो होड़ सहे कड़ीग होड़ अलोय दोहोन। हाँय सलसतिया अरू सुधा होड़ दोहोन लगा इदा, अरू ढिबुवाराः ललचीरे अलोय दोहोन।

मूक चेलाकू 20:29

ईंग सुदीयतना ईंग सेन तयोमरे रमू बुःआ इया बेलूर होड़कू अपे तलारे वेगवाडखन बिसवासी होड़कूकू नरी नठी एंडागोडकूता।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।

एहुना 10:3

हाँय बोल लगा हना गुदड़ीरीग अगुरादार दुवारे गीगगोडता। हाँय आँयगरिकुःआ भेड़ाकू मेमेडटोंगराः ञाव गोः घड़ीने राःकूता। हँकुःआ भेड़ाकू हाँयराः अरोकू अयूमता अरू हाँय हँकू ससराव लगा बहरीय गोःयाकूता।

मती ओजाःतेरा भगवानराः नपाय सरवन 10:16

सवासितीपे दोहोना। रमू बुःआकूराः तलारे भेड़ाकू इयायिंग वारपेतना। हनालगा अपे बींगकू इया कनहूनदारकूपे दोहोन अरू पेरवाँकू इया बेगर गारबारतेपे दोहोन।

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

एहुना 10:2

मनदो दुवारतेय बोलता हाँयग होड़, अनँयग भेड़ाकूरीग सरवाहा हवे।

एहुना 10:13

हाँय मंजूरी होड़े दोहोनता, हनालगा हाँय ञीर एंडा अटूकूता अरू भेड़ाकू मेरेय ओंगोलकूता।