एहुना 1:51 - Korwa Bible

⁵¹ ईसू, नतनएल एचेरे अरूय कताया, “आम ईंगमे अयूम, आम सेरमो देस गीगतोम ञेलता अरू सेरमो देसरिकुःआ बराहीलकू मनुवारीग बेटात एचेरे उतराः देगतोम ञेलकूता।”

एहुना 1:51 Referans Kwoze

मूक चेलाकू 7:56

अरू हाँयग इसतपनूस कतातेरा, “मन ञेलपे! ईंग सेरमो देसराः दुवार गीगतो अरू मनुवारीग बेटात भगवानराः खउना गतररे चड़ाँतिंग ञेञेलतना।”

लूका 22:43

हनते मीटोंग सेरमो देसरीग बराहील ईसू एचेरेय एचे ञेलयान अरू हाँये बड़ियाड़ा।

लूका 2:13

हननमेला सेरमो देसरिकुःआ मुरुक बगरा बराहीलकू हाँयग बराहील सुदा असाकाकू जुमावनेना। अरू हँकू भगवान जाग जागकू कतातेरा,

मरकूस 14:62

दो ईसू कतातेड, “ईंग हवे अरू अपे मनुवारीग बेटात अगम जंगरदार भगवानराः खउना गतर दुड़ुःतोय अरू सेरमो देस अते बदरीरे उतराव वेगतोपे ञेलेयता।”

मरकूस 1:10

ईसू दाः अतेय उडुंगगुः मेला सेरमो देस गीगयान अरू भगवानराः सुद बिरुवा पेरवाँ तितीग इया हाँय चोटरेय उतराव वेगनेन हनाय ञेलतेरा।

मती ओजाःतेरा भगवानराः नपाय सरवन 3:16

ईसू बतिसमा गोःतेडखन दाः अतेय उडुंगगुः मेला सेरमो देस गीगयान अरू भगवानराः बिरुवा, पेरवाँ तितीग इया ईसू चोटरे उतराव वेगनेना, हना अनँयग ञेलतेरा।

मूक चेलाकू 10:11

हना दरसनरे सेरमो देस गीगनेना अरू मीटोंग ओयोन सोनहे इया तोनोंगाः जिनिसराः चइरो कोनारे साब तड़ावतो उतरावनेना।

लूका 3:21

जेहेलरे सींगतोय दोहोन अते मड़ंग एहुना एटाः एटाः होड़कू बतिसमाय एमेवाःआ दो ईसू हों बतिसमा गोःतेडखने अरजीःआ अरू सेरमो देस गीगयान।

मती ओजाःतेरा भगवानराः नपाय सरवन 4:11

हनते हाँयग कलउ ईसूय अड़ाःगोतेडीग अरू ओहेन सेरमो देसरिकुःआ बराहीलकू ईसू एचेरे वेजेडखनकू सेवातिरिया।

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।

उदुःतो कताकून 4:1

हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”

2 तिसलूनिका 1:7

ईसू मसी हितकाःतो सेंगेलरे भगवानरिकुःआ जंगरदार बराहीलकू सुदा सेरमो देस अते वेग मेला, अले सुदा सिकिसतारे इदानपेःआ अपे लोड़ोन लगाय एमेवापेता।

लूका 2:9

हनमेला सेरमो देसरीग बराहील हँकू एचेरे असाकाय एचे ञेलयान। भगवानराः मरसल हँकूराः चइरो गतर विड़चेड़नेना अरू हँकू मुरुककू बोरोयान।

इबरानी 1:14

जमा सेरमो देसरिकुःआ बराहीलकू भगवान सडावकूता हँकुःआ होड़कू सेवाकू लगाय वारतेडकुःआकू ना लवे जा?

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

एहुना 10:1

दो ईसू कतातेरा, “अपे ईंगपे अयूम! भेड़ाकूराः गुदड़ीराः दुवारते मेरेय बोलता, मनदो एटाः अगीतेय देग बोलता हाँयग होड़, इनिग होड़ अरू लुड़ी होड़ इदानिया।

लूका 22:69

नुँहू वरीते मनुवारीग बेटात अगम जंगरदार भगवानराः खउना तिःई अगीय दुडुःकुःता।”

मती ओजाःतेरा भगवानराः नपाय सरवन 25:31

“मनुवारीग बेटात मरंग राजा इया सेरमो देसरिकुःआ बराहीलकू सुदाय वेगता हनमेला, हाँय अनँयगराः गदीरे भगवानराः हातपाततेय दुडुःता।

जूदा 1:14

मनाड़ंगरीग होड़ आदमरीग नइड़-बाँसरे सात नमारीग होड़े दोहोना हाँयग हानोक हों, हँकुःआ लबरा चेडदार होड़कू बदीरे दरवाःआ बड़राय कतातेरा, ञेलपे, परबू आँयगरिकुःआ हजार हजार सुद बराहीलकू सुदाय वेगता अरू जमा होड़कूय फड़ियावकूता।

2 तिसलूनिका 1:9

भगवान हँकुःआ होड़कू सगर सइटराः डंडे एमेवाकूता अरू हँकुःआ होड़कू परबू ईसूराः मड़ंगतेकू हिगार एंडा जुवाःता अरू हाँयराः जंगरराः मान मरजइत ओरोकू अटकार अवेतेरा।

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

एहुना 6:47

अपे ईंगपे अयूम! बिसवासगेताय हाँयग होड़, ओरो टुटीगनेना हना जीवे पवाःता।

लूका 24:4

हँकुःआ अइमीकू बोरोनेनखनकू बयावयान। दो हनमेला असाका, टेडेगतो सोनहे तुसिंगतो बार होड़ होड़किन हँकू मड़ंगरेकिन चड़ाँयान।

मती ओजाःतेरा भगवानराः नपाय सरवन 26:24

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

एहुना 21:18

आम ईंगमे अयूम! आम डिंघाम दोहोन मेला अनम सपड़ावकियानखन आम चहाःआ हनन अगीम सेना। मनदो आम डोकरान दो आम तिःईम लंबावता अरू तोनोंगीग एटाः होड़ आम सपड़ावकेडमेखन आम सेन लगा मेरेम चहाःता हना अगी आमकू गोःयामता।”

एहुना 8:51

अपे ईंगपे अयूम! तोनोंगीग होड़ ईंगराः कता इयाय सलाः, हाँय कहियो ओरोय गोएगनेना।”

एहुना 6:32

दो ईसू हँकू एचेरेय कताया, “अपे ईंगपे अयूम! अपे लगा मोसेस सेरमो अते रुटी मेरेय एमेगाड। मनदो ईंगरीग अपांग भगवान अपे लगा सताय रुटी सेरमो देस अतेय एमेयता।

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

एहुना 16:20

अपे ईंगपे अयूम! अपे फिकीर घड़ीनपे इयामता, मनदो चउंदीसरिकुःआ होड़कू बहाल जुवाःताकू। अपे नुँहू उसियाड़ी जुवाःतापे, मनदो अपेराः उसियाड़ी अतेपे बनाहाल जुवाःता।

एहुना 13:16

अपे ईंगपे अयूम! तोनोंगीग सेवकिया होड़ आँयग मालिक अते मरंग कोवाया अरू तोनोंगीग आँयग बराहीले वारता हाँय आँयगरीग बराहील अते मरंग इदानिया।

एहुना 10:7

हनालगा ईसू हँकू एचेरे अरूय कताया, “अपे ईंगपे अयूम! भेड़ाकू बोल लगा दुवार ईंग हवे।

एहुना 6:53

दो ईसू हँकू एचेरेय कताया, “अपे ईंगपे अयूम! अपे मनुवारीग बेटातराः मास मेरपे जोम अरू हाँयराः बलंगी मेरपे ञूय, दो अपे सगर सइट वरी ओरोपे जियाव अवेनेना।

एहुना 5:27

हाँय मनुवारीग बेटात हवे। हनालगा अपात होड़कूय फड़ियाव लगा बेटात हातपाते ओवाडिया।

एहुना 5:19

दो ईसू हँकू एचेरेय कतातेरा, “अपे ईंगपे अयूम! बेटात अनँयग आँयते तोनोंगाः ओरोय एचे अवेतेरा। मनदो हाँय अपात एचेतेय ञेलता हनानाः एकला हाँय एचेयता। अपात एचेयता, हनन इया बेटात होंय एचेयता।

एहुना 3:3

दो ईसू हाँय एचेरेय कता कुदातेरा, “आम ईंगमे अयूम, तोनोंगीग होड़ अरू मी तुरहा, मेरेय जनमाः दो हाँय भगवानराः राइजरे ओरोय मेसा अवेनेना।”

मती ओजाःतेरा भगवानराः नपाय सरवन 9:6

मनदो अपे नाःआ कता सुदीयपे, मनुवारीग बेटातके चउंदीसरे मनुवाकूराः कसूर बराव एंडा लगा हातपात इदा।” हनते ईसू लकवा ञेडतिरिया हाँयग होड़ एचेरेय कताया, “रिमुःमे अरू आमराः पटिया रेमकेडखन ओड़ाःमे सलाव जुवाः।”

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

एहुना 16:23

हनमेला अपे ईंग एचेरे तोनोंगाः अअसे लगा कोवानेःआ। अपे ईंगपे अयूम! अपे ईंगराः ञावते कहिसाः ईंग अपांग एचेरेपे असेय दो, हना हाँय एनेमेवापेता।

एहुना 13:38

दो ईसू कतातेड, “ईंग लगा आमराः जीवमे एनेमेगोडता जा? ईंगमे अयूम! कुकुड़ा अरीन कुकूड़चुः अते मड़ंग आम पेय तुरहा ईंगमे आड-बेकारवाता।”

एहुना 8:58

हनते ईसू कतातेड, “अयुमेपे! इबराहीम जनमावगुः अते मनाड़ंग वरीते ईंग इदानिंगा।”

एहुना 8:34

दो ईसू कतातेड, “ईंगपे अयूम, कसूरगेता हाँयग होड़ कसूरराः बोझारे बझावतो इदानिया।

एहुना 6:26

दो ईसू कतातेड, “अपे ईंगपे अयूम! अपे बयाव जुवाः इयाःआ बुतापे ञेलतेरा, हनलगा अपे मेरपे ञामिंगतना। मनदो अपे रुटीपे जोम बीनेना, हनालगापे ञामिंगतना।

एहुना 1:50

दो ईसू हाँय एचेरेय कतातेरा, “आम लुवा दूब पेंदारेयिंग ञेलतेडमेःआ माःआनिंग कतातेरा दो आम बिसवासकेरा। मनदो नाःआ अते आम मरंग मरंग कताकूनमे ञेलता।”