एहुना 1:33 - Korwa Bible

³³ नाःआ अते मड़ंग ईंग इनिंग हाँय मेरिंग सुदी अवेगडीग। मनदो ईंग होड़कू दाःते बतिसमा एमेवाकू लगाय वारतिडिंगा हाँयग भगवान ईंग एचेरेय कताया, सुद बिरुवा सेरमो देस अते उतरावकियानखन रोंकावतोम ञेलता हनाँयग होड़ सुद बिरुवाते होड़कू बतिसमाय एमेवाकूता, माःआन।

एहुना 1:33 Referans Kwoze

मूक चेलाकू 1:5

एहुना अपे दाःते बतिसमाय एमेवातेडपेःआ, मनदो तोनोंग दिन तयोमरे भगवान अपे सुद बिरुवाते बतिसमाय एमेवापेता।”

लूका 3:16

दो एहुना हँकू एचेरेय कताया, “ईंग दाःते बतिसमायिंग एमेतना। मनदो ईंग अते मरंग मी होड़ वेगता। हाँयराः चाटीराः डोरा लड़ाः जुकूर हों ईंग कोवायिंगा। हाँय अपे सुद बिरुवाते अरू सेंगेलते बतिसमाय एमेवापेता।

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

एहुना 3:34

भगवान अनँयग सुद बिरुवा मिनी जीवकेडखने एमेयता। हनालगा भगवान वारकिरिया हाँयग होड़, भनगवानराः कताकूने कता उदुःता।

1 कुरिंती 12:13

अबू अते तोनोंग तोनोंग होड़कू एहूदाकू हवे अरू तोनोंग तोनोंग होड़कू बेगर एहूदाकू हवे। अबू अते तोनोंग तोनोंग होड़कू बेगारी होड़कू इदानकुःआ अरू तोनोंग तोनोंग होड़कू बेगारी होड़कू कोवाकुःआ। मनदो भगवान सुद बिरुवाते अबू जमाकू बतिसमाय एमेवाडबुःआ अरू मसीराः देहराः एटाः एटाः दगलीकूने बड़ाँवकेडबुःआ। नुँहू भगवान अबू जमाकू जीवरे हनानाः बिरुवाय एमेकेरा।

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

एहुना 1:31

हाँय इये हवे माःआन ईंग हों मेरिंग सुसुदीःआ। मनदो नाँय बदीरे इसराएल होड़कू सुदी अवेय लगा दाःते होड़कू बतिसमायिंग एमेवाकुःआ।”

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।