एहुना 1:11 - Korwa Bible

¹¹ हाँय अनँयगरिकुःआ निकता होड़कू एचेरेय वेजेडा, मनदो हँकुःआ होड़कू हाँय मेरकू मनेवागडीग।

एहुना 1:11 Referans Kwoze

लूका 19:14

मनदो गिरहत होड़राः सहररिकुःआ होड़कू हाँयकू हिनइस-बिनइसवाःआ अरू तोनोंग तोनोंग होड़कू नाःआ इया कताय लगाकू वारतेडकुःआ, नाँयग होड़ अलेरीग राजा बड़ाँः लगा अले मेरले चहाःतना, माःआन।

एहुना 3:32

हाँय अयूमकेरा अरूय ञेलतेरा हना कता बदीरेय कता उदुःगेतना। मनदो तोनोंगीग हाँयराः कता मनाः लगा मेरकू चहाःता।

मती ओजाःतेरा भगवानराः नपाय सरवन 15:24

दो ईसू कता कुदातेरा, “ईंग इसराएल होड़कू अते केड़ेत भेड़ाकू इया इदानकुःआ हँकुःआ होड़कू ञामकू लगा नाःआ चउंदीसरे भगवान वारकिडिंगा।”

रूमी 15:8

अपे ईंगपे अयूम! भगवान इसराएल होड़कूरिकुःआ खुटिपरिया होड़कू एचेरेय जबानतेरा, हना पुरावगे लगा ईसू मसी एहूदाकूरीग सेवादारे बड़ाँवनेना,

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।

मूक चेलाकू 13:26

ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

एहुना 1:10

हाँय चउंदीसरेय दोहोना अरू चउंदीस हाँयते बड़ाँवकिया, मनदो चउंदीसरिकुःआ होड़कू हाँय मेरकू सिनहागडीग।

एहुना 1:12

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

एहुना 19:27

हनते हाँय आँयग चेला एचेरेय कतातेरा, “ननाँय हवे आमरीग अया।” हना वरीते हाँयग चेला ईसूरीग एंगात अनँयग ओड़ाःरेय गोःयाडीग।

मूक चेलाकू 21:6

हँकू अले पइड़घावतेडलेखन, अले जहाजले देगनेन अरू हँकुःआ होड़कू अँननकूराः ओड़ाः अगी तोराकू।