एकूब 5:7 - Korwa Bible

⁷ हनालगा ने अजी बोपोहकूतिंग, परबू ईसू अरीन वेग वरी जमा बरानाः सहाव घड़ीनपे दोहोन। किसाड़कू ओतराः ननपाय जोःओ अदेरगे लगा असड़ दाः अरू सिसीर दाः लुजरुः वरी असरागोड ञवनताकू,

एकूब 5:7 Referans Kwoze

गलातिया 6:9

अबू नपाय बुताबू बुतागोड ञवन लगा अबूराः जीव अहाबू हदराव ओवागे। दो भगवान तोल दोहोकेरा हना बेलारे हाँय अबू लगा इमाने एमेवाबूता।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

गलातिया 5:5

मनदो अबू ईसू मसी एचेरे बिसवासकेडखन भगवानराः ओंगोलरे बेगर गारबार होड़कू बड़ाँः लगा सुद बिरुवाराः संघराते मिनी जीवतेबू अनसरागोड ञवनतना।

1 तिसलूनिका 2:19

परबू ईसू कुदा वेगता हनमेला इये बदीरे भगवान एचेरेले असरा, इये बदीरेले बहालगुः अरू इये बदीरेले भल-भलायगुः?

मती ओजाःतेरा भगवानराः नपाय सरवन 24:44

मनुवारीग बेटात तुमिसे कुदा वेगता, हना अपे मेरपे सुदीयतना। हनालगा अपे हों सपड़ावतोपे दोहोन।”

1 तिसलूनिका 3:13

परबू ईसू आँयगरिकुःआ जमा सुद होड़कू सुदाय कुदा वेगता, हनमेला हाँय अबूरीग अपांग भगवानराः मड़ंगरे अपेराः जीव बेगर गारबारते अरू सुदे तुलावाडखन बड़ियाड़गे लगाले अरजीतना।

मती ओजाःतेरा भगवानराः नपाय सरवन 24:27

ठेड़ररे पुरुब होर विड़चेड़ता दो, पछिम वरी विड़चेड़ सोदोरता, हनन इया मनुवारीग बेटातराः कुदा वेग होयाःता।

रूमी 15:4

भगवानराः कागदरे मनाड़ंगते ओजाःतो इदा हना कताकून अँननबू चिडुः लगाकू ओजाःकेरा। हना सरवनते अबू सहाव घड़ीन बहालतेबू दोहो अवेनता। अरू हनालगा अबू भगवान एचेरेबू असरा अवेयता।

2 पतरस 3:4

अरू हँकू कतायता, हाँय कुदा वेगता हना जबान करेन पुराःतान? अबूरिकुःआ खुटिपरिया होड़कू गोएगयनाकू। चउंदीस बुँहड़ीकियान वरीते कहिसाः मेर बदलावगना अरू जमाकून हनन इया सलाव ञवनतना, माःआन।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

1 कुरिंती 1:7

दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।

लूका 21:27

हनमेला मनुवारीग बेटात जंगर अरू मुरुक मरसलते बदरीरेय वेगता अरू जमा होड़कू हाँयकू ञेलेयता।

लूका 18:8

ईंगपे अयूम, भगवान ओहेन हँकुःआ होड़कू लगाय फड़ियावगेता। मनदो मनुवारीग बेटात कुदा वेग मेला चउंदीसरिकुःआ होड़कू हाँय एचेरेकू बिसवासगेता जा?”

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

एहुना 21:22

दो ईसू हाँय एचेरेय कतातेड, “नाँय ईंग कुदा वेग वरी जिनियते दोहोन लगायिंग चहाः दो आम लगा चिला होयाःता? मनदो आम ईंग दूरमे सनालावगोड ञवन।”

एहुना 21:23

नाःआ कता बिसवासी होड़कू एचेरे सितरावयान, नाँयग चेला ओरोय गोएगनेना, माःआन। ईसू हाँय बदीरे मेरेय कतागाड, ओरोय गोएगनेना, माःआन। मनदो ईंग कुदा वेग वरी जिनियते दोहोन लगायिंग चहाः दो आम लगा चिला होयाःता, माःआने कतातेरा।

एकूब 4:11

ने अजी बोपोहकूतिंग, अपे अँननपे अपे अहापे बदी होड़ेंग। अनँयग वपक बोपोहकूतेने बदीता सहेय जाःकूता हाँयग होड़ भगवानराः नियमे बदीता अरूय जाःगेता। नियमे जाःता हाँयग होड़ नियम इया मेरेय सलाःतना, मनदो हाँय हना नियमराः फड़ियावदारे होयाःता।

एकूब 5:3

अपेराः सोना अरू चाँदीकून हों किचियावयना। सेंगेलते मास लो ओब जुवाःता हनन इया अपेराः जीव लायगोडता अरू अपेराः सोना चाँदीकूनराः किचियावतो अपे बदीरे हिदइत इया दोहोनता। हनते हों अपे चउंदीसराः टुटीगगुः बेलारे आन-धानपे बटुड़ावकेरा।

एकूब 5:10

ने अजी बोपोहकूतिंग, परबूराः ञावतेकू कताया हँकुःआ भगवानराः बड़रा कता होड़कू कटसियाकू सहाव पारतेडखन अबू लगा चिनहा इया इदनकुःआ।