एकूब 5:20 - Korwa Bible

²⁰ हाँय सुदीगे लगा इदा, तोनोंगीग बहकावतो कसूर होड़े कुदा अगूयता हाँय, गुजुः अते मी होड़े बनसावगेयता अरू हाँयराः मुरुक कसूरकून भगवानतेय एचे बराव एंडागोडता।

एकूब 5:20 Referans Kwoze

1 पतरस 4:8

भगवानराः कागदरे ओजाःतो इदा, “अपे एटाः होड़कूपे दुलार दो, हँकूराः मुरुक कसूरकूनतेपे कता बनसावकूता।” हनालगा अपे नाःआ मनइद कता इया अँननपे अपे इनिंदरी इंदरीते अलार-दुलार होड़ेंग ञवनपे।

1 तिमुतियूस 4:16

आम सवासिती दोहोन घड़ीनमे जियाः अरू होड़कूम चेड। नान इयाम एचेय दो आम अरू आमराः बड़राकू अयुमेता हँकुःआ होड़कू हों आम सुदाकू बनसाव जुवाःता।

रूमी 11:14

जेमहा अपेकू ञेल घड़ीन हँकुःआ होड़कू इराकियानखन हँकू अते अदोमकू भगवान एचेरेकू बिसवास अवेय।

एकूब 5:19

ने अजी बोपोहकूतिंग, तोनोंगीग होड़ सताय दूर अतेय चलाः जुवाः अरू तोनोंगीग हाँये कुदा अगूय दो,

एकूब 1:15

नाःआ इयाःआ ओंगोलरेकू सेनतान दो हँकू कसूरगेता। अरू हना कसूर बगरा जुवाःतान दो हँकुःआ होड़कू गोएग जुवाःता।

1 कुरिंती 9:22

बिसवासरे अबड़ जीव होड़कू लगा ईंग हँननकू इयायिंग बड़ाँवनेना, जेमहा हँकू बिसवारेकू बड़ियाड़ जुवाः। ईंग जमा होड़कू लगा अँननकू इयायिंग बड़ाँवनेना, जेमहा ईंग अते तोनोंग इया ईसू मसी एचेरेकू बिसवासगे लगा हँकूके आँच पराः।

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

पिलेमोन 1:19

ईंग पउलूस इनिंग तिःईते नाःआ चिठीयिंग ओजाःगेतना। उनेसिमूस आम लगा एएमे इदा, हना इनिंग जमनींगता। मनदो अहम लिड़िंगे आम हों ईंगते बिसवासी होड़मे बड़ाँवयना। हनालगा आमराः जीवराः करजा कड़हाव होड़ इनिंग हवे।

उदुःतो कताकून 20:6

मड़ंगरेकू जियाव रेमनेना हँकुःआ होड़कूराः जीव भगवान भल-भलायवातेडा अरू हँकू सुद इदानकुःआ। बार नमार गुजुःके हँकू जीवरे तोनोंगाः हातपात कोवानेःआ। हँकू भगवान अरू मसी लगा पुजउरीकू दोहोनता अरू मसी सुदा हजार बरिस वरीकू राइजगोड ञवनता।

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

एकूब 5:15

अरू बिसवासराः अरजीते बेमरिया होड़ बनसाव जुवाःता अरू परबू हाँय नपाये दोहोयता। हाँय तोनोंगाःआय कसूरतेड दो, हना हों परबू बराव एंडागोडताय।