एकूब 4:9 - Korwa Bible

⁹ अपे अँननपे अपे हुडिंगगुःपे अरू अपेराः कसूर बदीरे फिकीर घड़ीनपे इयाम। अपे लंदा होड़ेंग बइगेपे अरू इयाम लगापे बुँहड़ीगे अरू अपेराः बहाल जीव उदबासतेपे बदलावगे।

एकूब 4:9 Referans Kwoze

मती ओजाःतेरा भगवानराः नपाय सरवन 5:4

इयाम घड़ीनकू फिकिराःता, हँकुःआ होड़कूराः जीव-जहन भगवान भलावाडखने नपायगेयता, अरू हाँय हँकुःआ होड़कूराः जीवे कता बहालगोडता।

लूका 6:25

नुँहू अपे लगा उडु-बुडू इदा, मनदो अपे ठीक जुवाःतापे अरू रंगेगतेपे दोहोनता। नुँहू अपे बहालरे इदानपेःआ। मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

लूका 6:21

ने रंगेगतो होड़कू, अपेराः जीव-जहन भगवान भलावाडखने नपायगेता, हनालगा अपे संतोक जुवाःता। ने इयामतिकुःआ होड़कू, अपेराः जीव-जहन भगवान भलावाडखने नपायगेता, हनालगा अपे लांदता।

मती ओजाःतेरा भगवानराः नपाय सरवन 21:41

हँकू हाँय एचेरेकू कता कुदातेड, “हाँय हँकुःआ बेलूर होड़कू मुरुक कटसिया एमे घड़ीने लाय एंडाकूता। हनते हाँय अंगूरराः बगइचा अनँयग बंटा जोःओकू एमेवायता हँकुःआ एटाः अधियादारकू एचेरेय एमेगोडता।”