एकूब 4:12 - Korwa Bible

¹² सताय नियम एमेयीग अरू फड़ियावदार दो भनगवान हवे। हाँय एचेरे होड़कू बनसाव लगा अरू लायकू लगा हातपात इदा। मनदो एटाः होड़कू फड़ियावीग आम इये हवे?

एकूब 4:12 Referans Kwoze

रूमी 14:4

एटाः होड़रीग सेवादार फड़ियावगेय लगा आम इये हवे? हाँय सताये एचेयकेरा जा कोवान, हना हाँयरीग मनालिकतेन फड़ियावगेता। परबू हाँये संघरावायता। अरू हनालगा हाँय परबूराः ओंगोल इया सताये एचे अवेयता।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

एकूब 5:9

ने अजी बोपोहकूतिंग, अपे एटाः होड़कू बदीरे अँननपे अपे अहापे कुरबुराव होड़ेंग। हनन इयापे एचेय दो फड़ियावदार अपेराः कसूर बदीरे अपेय डंडियावता। अरू हनाँयग फड़ियावदारराः अरो पता निचकाःतना।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

रूमी 14:13

हनालगा अबू एटाः होड़कू अरू अलोबू बदीकू। मनदो अबू अँननबू अबू ओंगोल बुझावबाःगुः लगा इदा, ईंग तोनोंगीग होड़राः बिसवास दूर अते हाँय बहकावगेय लगा अलोयिंग रेडगेय, माःआन।

रूमी 9:20

दो आम मी होड़ होनोड़ हवे अरू आम भगवान सुदाम अड़ा-चउकी अवेनता जा? कहिसाः तुलात जिनिस तुलादार एचेरे नाःआ इया कता अवेयता जा, ईंग नाःआ इया चिला लगाम तुलागोतेडिंगा?

लूका 12:5

अपेके इये सुदा बोर लगा इदा, हनायिंग उदुःवापेता। अपे भगवानपे बोरोवा, हनाँय एचेरे अपेराः देह अरू जीव बनर नरगरे सोलोंगे लगा हातपात इदा।