एकूब 3:6 - Korwa Bible

⁶ मी होड़राः आह सेंगेल इया इदा। अबू देहराः जमा दगलीकून अते आह बेनेलूर इदा। सेंगेलते तोनोंगाः जिनिस लो जुवाःता, हनन इया आह होड़कूराः लूर-नेवन आडगोडता अरू नरगराः सेंगेलते हँकूराः जमा जीव आडगोडता।

एकूब 3:6 Referans Kwoze

मरकूस 7:15

तोनोंगाः जिनिस जोम होले होड़ मेरेय मइलाःता, मनदो होड़राः जीव अते उडुंगगुःता हनानाःते होड़ मइलाव जुवाःता।

लूका 16:24

दो हाँय कताया, ने अपांग इबराहीम, ईंग नरगराः सेंगेलरेयिंग तड़पाःतना। हनालगा ईंग सोगावाडिंगखन लाजर ईंग एचेरेम वारगेय, जेमहा हाँय आयँगराः अंगरी दाःरे तोपोवाडखन ईंग अलंगरे दाःए जोरो लड़ेगींग।

3 एहुना 1:10

हाँय एटाः होड़कू एचेरे बेलूर ओंगोलते अले बदीरे बड़राय बहकावगोड ञवनता। हनाते हों हाँय मेरेय राजूगान अरू हाँय बिसवासी होड़कू मेरेय नेत-नेवारकूतना। एटाः होड़कूकू नेत-नेवारता हँकुःआ होड़कूय रोंकावतना अरू हँकुःआ होड़कू कलसियारिकुःआ होड़कू अते एटाःगोडकूतनाय। हनालगा ईंग हंडा सेने दो हाँय एचेकेरा हना जमाकूनिंग उहियार अगूयता।

एकूब 2:7

अरू अपेय राःकेरा हनाँयग नाय नपाय परबू ओपताकिडिगखनकू कतायतना नँकुःआ होड़कू ना लवे जा?

मूक चेलाकू 6:13

हँकू लबरा हिदइतदारकू हाँय बदीरेकू एचे चड़ाँतेडकुःआ अरूकू कतातेरा, “नाँयग होड़ भगवानराः ओड़ाः अरू मोसेस एमेतेरा हना नियम बदीरे ओपता घड़ीने कतागोड ञवनतना।

मूक चेलाकू 5:3

दो पतरस कतातेड, “ने हनानियाह, आम कलउराः ओंगोल इया सलाः लगा आम जीव हाँय एचेरे चिला लगाम जिमातेरा? आम भगवानराः सुद बिरुवा एचेरे चिला लगाम लबराकिया? कियारी अकिरिंगकेडखन अदोम ढिबुवा चिला लगा हिगारकेडखनमे दोहोगोतेडा?

मती ओजाःतेरा भगवानराः नपाय सरवन 12:24

मनदो फरीसी होड़कू नाःआ कता अयूमतेडखनकू कतातेड, “भूतकूरीग राजा दरहाते नाँय भूतकूय एचे उडुंगतना।”

मती ओजाःतेरा भगवानराः नपाय सरवन 5:22

मनदो अपे ईंगपे अयूम, तोनोंगीग होड़ अनँयगरीग सउंगता सुदाय रीस जुवाः, दो हाँय कोट कछेरीरे डंडे पवाःता। अरू तोनोंगीग होड़ अनँयग सउंगताय बेग-हतावा, हाँय मरंग पंचाइतरे डंडे पवाःता। अरू तोनोंगीग होड़ अनँयग सउंगता एचेरे, ने बुयांग होड़, माःआने कताय दो, भगवान हाँयग होड़ नरगराः सेंगेलरेय सोलोंगगोडेयता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 18:23

अरू ढिबरीराः मरसल आम एचेरे कहियो ओरो विड़चेड़नेना। अरू कनिया अरू बारराः ओरो कहियो ओरोकू अयूमतेरा। आमरिकुःआ फेरवइत होड़कू चउंदीसरिकुःआ मरंग होड़कू दोहोना अरू आमराः पंगनाहा अते चउंदीसरिकुःआ जमा होड़कू बहकावयान।

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।

मूक चेलाकू 20:30

अपे अते तोनोंग तोनोंग होड़कू हों लबरा बड़रा कतावाडखन बिसवासी होड़कू अँकू सुदा बहकावगोडकूताकू।

एकूब 3:7

जमा बरानाः जानरकू अरू तितीगकू अरू समुंदररिकुःआ हकूकू, मनुवा असूल अवेकूता अरू मनुवा हँकूकू असूलकेडकुःआ।