एकूब 3:16 - Korwa Bible

¹⁶ हिनइस-बिनइसते अरू इरातेकू दोहोनता, हँकुःआ होड़कू गोड़ावयनाकू अरू जमा इयाःआ बेलूर बुताकू एचेयता।

एकूब 3:16 Referans Kwoze

एकूब 3:14

मनदो अपेराः जीवरे एटाः होड़कू बदीरे हिनइस-बिनइस अरू इरा पेरेगतो दोहोन दो, अपे हना बदीरे अहापे बड़वारगुः अरू सताय कता बदीरे अहापे लबरा।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

1 कुरिंती 14:33

भगवान कहिसाः रन-भन मेरेय एचेयता, मनदो हाँय जमालेःआ नपायतेय एचेयता। भगवानरिकुःआ सुद होड़कूराः जमा कलसियारेकू एचेयता हनन इया,

1 एहुना 3:12

अपे कलउरीग होड़ काइन इया अहापे होयाः। हाँय अनँयग बोहोते ञेड एंडातेरा। हाँय चिला लगाय ञेड एंडातिरिया? हाँयगराः बुता बेलूर दोहोना अरू बोहोतराः नपाय दोहोना। हनालगा हाँय ञेड एंडातिरिया।

गलातिया 5:20

मुरती पुजा अरू पंगाड़ होड़ेंग, हिनइस-बिनइस अरू कड़ीग, अंदून अरू रिसकट, अनँयग आँयग नफानराः ओंगोल, हिगार हटिंगगुः अरू बेलूर गुटगुः,

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

रूमी 2:8

मनदो अदोम होड़कू अँननकूराः नफा लगाकू ञामता। हँकू सताय कता अड़ाःकेडखन बेलूर कताकू मनाःता। अरू हँकुःआ होड़कू एचेरे भगवानराः रीस रंजाव जुवाःता।

2 कुरिंती 12:20

ईंग बोरतान इया, ईंग अपे एचेरेयिंग सेन मेला ईंग चहाःता हना अते एटाः इया अलोयिंग सेने ञामपे अरू अपे हों ईंग एचेरेपे असराता हना अते एटाः इया अलोयिंग होयाः। अपे एचेरे कड़ीग, इरा, रीस, हिगार हटिंगगुः, ओपता होड़ेंग, चुबली होड़ेंग, बड़वारगुः अरू गड़ोयग-मड़ोयग इदा माःआनिंग बोरतना।

मरकूस 3:25

मिनी ओड़ाःरिकुःआ होड़कू अँननकू अँकू रेडेग होड़ेंग दो करा उड़ीकू सलसतरेकू दोहो अवेन?