एकूब 2:23 - Korwa Bible

²³ भगवानराः कागदरे ओजाःतो इदा हनन इया होयानेना। इबराहीम भगवान एचेरेय बिसवासतेरा अरू भगवान हाँय बेगर गारबार होड़े ओंगोलबाःकातेरिया। अरू भगवान इबराहीम, ईंगरीग सउंगता माःआने कतावातेरिया।

एकूब 2:23 Referans Kwoze

गलातिया 3:6

ननन इया, “इबराहीम भगवान एचेरेय बिसवासतेरा, अरू भगवान हाँय बेगर गारबार होड़े ओंगोलबाःकातेरिया।”

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

गलातिया 3:22

मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।

रूमी 9:17

भगवानराः कागदरे भगवान मिसिरी राजा पिरोन एचेरेय कतायतना, “ईंग आम राजायिंग बड़ाँवकेडमेःआ, अरू ईंगराः जंगर आमिंग उदुःवारा जेमहा चउंदीसरिकुःआ जमा होड़कू ईंग जाग घड़ीनकू मान मरजइतगिंग।”

लूका 4:21

हनमेला हाँय हँकू एचेरेय कताया, “भगवानराः कागदरे ओजाःतो इदा हना दो अपेके अअयूमरे नुँहू पुरावयना।”

मरकूस 15:27

हाँय सुदा बार होड़ इनिग होड़किन बनर गतरकिन दोहोना, मी होड़ खउना गतर अरू मी होड़ डिरही गतर कुरूसरेकू ठोंकावगोतेडकिन।

मरकूस 12:10

अपे भगवानराः कागदरे नाःआ कता मेरपे बछावगना जा, ओड़ाः तुला मिसतिरीकू ओरो बड़ाँवनेना, माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना?

1 पतरस 2:6

भगवानराः कागदरे नाःआ इया ओजाःतो इदा, “ईंगपे अयूम, ईंग सीयोनरे ओड़ाः तलाराः बड़ियाड़ दिरियिंग मंडावतना, अरू ईंग सुनावकेरा हना दिरि ननपाय अरू मुरुक किमइतराः हवे। हाँय एचेरेकू बिसवासगेता, हँकुःआ होड़कू कहियो ओरोकू गियूनेना।”

2 तिमुतियूस 3:16

भगवानराः कागदराः जमा सरवन भगवानराः अगुवाइते ओजाःतो इदा अरू अबू होड़कू चेडकू लगा, डंटावकू लगा, मंदरावकू लगा अरू बेगर गारबारते नपाय जीवकू जियाः लगा मुरुक नफा एमेयता,

मूक चेलाकू 1:16

अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ।

एकूब 2:24

दो अपे सुसुदीता, तोनोंगीग होड़राः बिसवास एकलाते, भगवान हाँयग होड़ नपाय मेरेय ओंगलेयता, मनदो हाँयग होड़राः नपाय बुता बुताते हों भगवान हाँय नपाये ओंगलेयता।