एकूब 2:13 - Korwa Bible

¹³ तोनोंगीग होड़ एटाः होड़कू मेरेय सोगावा दो, फड़ियावराः दिनरे भगवान हों हाँयग होड़ ओरोय सोगावातेरिया। मनदो एटाःकूय सोगावाता हाँयग होड़, भगवान फड़ियावराः दिनरे हाँये सोगावाता।

एकूब 2:13 Referans Kwoze

मती ओजाःतेरा भगवानराः नपाय सरवन 5:7

एटाः होड़कूकू सोगावाता, हँकुःआ होड़कूराः जीव भगवान भलावाडखने नपायगेयता, अरू हाँय हँनकुःआ होड़कूय सोगावाता।

मती ओजाःतेरा भगवानराः नपाय सरवन 6:15

मनदो अपे एटाः होड़कूराः कसूर मेरपे बराव एंडागे दो, सेरमो देसरीग अपांग भगवान हों अपेराः कसूर ओरोय बराव एंडातेरा।

लूका 6:37

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

एकूब 5:4

अपेराः हुड़ुकू ईरतेरा हँकुःआ मंजुरियाकूराः बनी मेरपे एमेवागाडकू। अयुमेपे। हँकुःआ होड़कू अपे बदीरे खिररी घड़ीनकू लालिसगेतना अरू हँकूराः खिररी परबू भाबी भगवान अनायूमगोतेरा।

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।