एकूब 1:26 - Korwa Bible

²⁶ तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

एकूब 1:26 Referans Kwoze

इपीसी 4:29

बेगर गइताः बुतुड़ु अहापे बुतुड़ु, मनदो अपेराः बड़रा होड़कूराः बिसवास बड़ियाड़गुः लगा संघरा एमे इदा अरू हनाते हँकू जीवरे नफाकू पवाःता।

1 पतरस 3:10

भगवानराः कागदरे नाःआ इया ओजाःतो इदा, नपाय जीव जियाः लगा अरू अहाल बहालराः दिन ञेल लगाकू चहाःता, हँकुःआ होड़कू अँननकूराः आह बेलूर बड़रा अतेकू रोंकावगे, अरू अडिग बड़रा अते तोनोरे दोहोन लगा इदा।

इपीसी 5:4

अपे लगा नपाय कोनोवानेःआ हना बेगर गियुःतेःआ बड़रा, सदाःआ बड़रा सहे केसेड़ा बड़रा, अपे अहापे बुतुड़ु। मनदो भगवान अपे लगाय एचेकेरा हना जमाकून लगा हाँयपे धनियाबादगे।

कुलूसी 4:6

अपेराः बुतुड़ु हेलेम-हेलेमते उंबार उडुंगगुःता इया होयाः, जेमहा अपे होड़कूराः जबापरे नपायते कता कुदा अवे लगापे सुदीय।

एकूब 1:22

भगवानराः सरवन अअयूम एकलाते अँननपे अपे अडिग जोम होड़कू अलोपे बड़ाँः। मनदो हना सरवन इयाकू सलाःता हँकुःआ होड़कूपे बड़ाँः।

एकूब 1:19

ईंग अजी बोपोहकूतिंग, अपे नाःआ कतापे सुदीगोड। अपे अअयूम लगा ओसताजपे दोहोन अरू टेड़ा-चुवा अलोपे बड़रा सहे अपेराः रीस ओहेन अलोपे देग ओवा।

लूका 8:18

हनालगा अपे मुरुक तिंगीडवा घड़ीन ईंग बड़रापे अयूम। तोनोंगीग एचेरे कहिसाः इदान दो, हाँयके भगवान अरूय एमेवायता। मनदो तोनोंगीग एचेरे कहिसाः कोवानेःआ दो हाँय, ईंग एचेरे इदा, माःआने ओंगलेता हना हों हाँय अते भगवान गोःयाता।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

गलातिया 2:6

होड़कू अदोम मूक होड़कू बदीरे मरंग होड़कू माःआनकू ओंगोलकूता। मनदो भगवान तोनोंगीग मेरेय पाचपटीगेयता। हनालगा नाःआ अते ईंगके कही आँच ओरो लगावनेना, अरू ईंग परसारतेरा हना सरवनरे तोनोंग इया मेरकू बदलाव अवेगाड।

मरकूस 7:7

हँकुःआ होड़कू बेगर मतलोब ईंगकू जागतना, अरू हँकूराः चेड जमा होड़कूराः ओंगोलते इदा, हना नियमकून हवे।

1 कुरिंती 15:2

ईंग अपे एचेरेयिंग कता उदुःतेरा हनानाः नपाय सरवनते भगवान अपेय सडावकेरा। मनदो अपे हना सरवन अपे इंदरीरे दोहोकेडखन मेरपे सलावकुः दो अपेराः बिसवास सदाःआ होया जुवाःकुःआ।

मती ओजाःतेरा भगवानराः नपाय सरवन 15:9

नँकू होड़कूराः तुलात नियमकूनकू चेडकूता अरूकू कतायता, नाःआ भगवान अगीते हवे, माःआन। हनालगा नँकू बेगर लूर ईंगकू जागतना।”

1 कुरिंती 15:15

अले परसारगेतना, ईसू मसी गोएगतो अते भगवान जियाव रेमकिरिया, माःआन। मनदो भगवान होड़कू गोएगतो अते मेरेय जियाव रेमकेकुः दो ईसू मसी हों हाँय ओरोय जियाव रेमकेया। नाःआ सताय दोहोकुः दो अले भगवान बदीरे होड़कूले अडिगकेःआ।

एकूब 2:20

आम बोको होड़ इदानमेःआ। आम मेरेम सुदीयता जा, बेगर बुताते दोहोनता हना बिसवास बेगर लूर दोहोनता।

गलातिया 3:4

नाःआमिन अपे सेसा-दुराकिया, हना दो सदाःआयना जा? मेनेर होयागना।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।