एकूब 1:22 - Korwa Bible

²² भगवानराः सरवन अअयूम एकलाते अँननपे अपे अडिग जोम होड़कू अलोपे बड़ाँः। मनदो हना सरवन इयाकू सलाःता हँकुःआ होड़कूपे बड़ाँः।

एकूब 1:22 Referans Kwoze

रूमी 2:13

नियमकून एकलाय अयुमेता हाँयग होड़ भगवानराः ओंगोलरे बेगर गारबारीग होड़ मेरेय बड़ाँःता। मनदो हना नियम इयाय सलाःता, हनाँयग होड़ भगवान बेगर गारबार होड़ माःआने कतावायता।

एहुना 13:17

नाःआ कताकून अपे सुदीयतना अरू हनन इयापे सलाः दो, भगवान अपेराः जीवे नपायगोडता।

एकूब 4:17

तोनोंगीग होड़ नपाय नपाय एचेय लगाय सुदीयता, मनदो हना इया मेरेय एचेयता दो, हाँय कसूरगेतना।

1 एहुना 2:3

अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

लूका 11:28

दो ईसू कताया, “नाःआ इया कोवानेःआ, भगवानराः सरवने अयुमेता अरूय मनाःता, हनाँयग होड़राः जीव-जहन भगवान भल-भलायवाता।”

मती ओजाःतेरा भगवानराः नपाय सरवन 12:50

सेरमो देसरे इदानिया ईंगरीग अपांगराः ओंगोल इयाकू जियाःता हँकुःआ होड़कू ईंग अया अरू बोपोकूतिंग अरू मेमेसकूतिंग हवे।”

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

उदुःतो कताकून 22:7

दो ईसू कतातेरा, “अपे ईंगपे अयूम! ईंग हनालियिंग कुदा वेगता। नाःआ कागदरे ओजाःतो इदा हना जमा कतत सरवनकू मनाःता हँकुःआ होड़कू भगवान नपायकूता।”

1 एहुना 3:7

ने ईंगरिकुःआ लइंकू इया होड़कू, अपे तोनोंग बेला तोनोंगीग होड़ अलोय अडिग अवेपे। ईसू मसी नपाय इदानिया अरू नपाये एचेयता हनाँयग होड़ ईसू मसी इया नपाय होड़ हवे।

एकूब 1:26

तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

गलातिया 6:7

तोनोंगीग होड़ ओंगलेता, ईंग भगवानिंग अडिग अवेयता दो हाँय अनँयग आँयगे अडिग जोमता। होड़कू वेरता हनानाः जिनिसकू ईरता।

3 एहुना 1:11

ने ईंग सउंगता, तोनोंगीग होड़राः बेलूर लूर-नेवन इया अलोम जियाः, मनदो नपाय लूर-नेवनतेकुःआ होड़कू इयाम जियाः। तोनोंगीग होड़ नपाय नपाय बुताय एचेयता हाँय भगवानरीग होड़ हवे। मनदो बेलूर बुताय बुताता हाँयग होड़ भगवान कहियो मेरेय ञेलगरिया।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

1 एहुना 1:8

अबू अँननबूराः बदीरेबू कतायता, ईंग मेरिंग कसूरगरा, माःआन दो अबू अँननबू अडिग जोमता अरू अबूराः जीवरे सताय कता कोवानेःआ।

पिलिपी 4:8

दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

1 कुरिंती 15:33

अलोपे अडिगगुः। बेलूर सउंगताकू नपाय लूरकू आडगोडता।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

2 पतरस 2:13

हँकू एटाः होड़कू सुदा बेलूरकू एचेकेरा अरू भगवान हँकू लगा बेलूरे एचे कुदायता। हँकू दिनीने दिनरे बेलूर बुता बुता घड़ीन जोम-ञूय लगाकू ननायगुःता। हँकू अपे सुदाकू जोम ञूयता दो अपे लगा दगी अरू जोरोड इयाकू दोहोनता।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

एकूब 4:11

ने अजी बोपोहकूतिंग, अपे अँननपे अपे अहापे बदी होड़ेंग। अनँयग वपक बोपोहकूतेने बदीता सहेय जाःकूता हाँयग होड़ भगवानराः नियमे बदीता अरूय जाःगेता। नियमे जाःता हाँयग होड़ नियम इया मेरेय सलाःतना, मनदो हाँय हना नियमराः फड़ियावदारे होयाःता।