एकूब 1:17 - Korwa Bible

¹⁷ जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

एकूब 1:17 Referans Kwoze

एहुना 3:27

दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

मती ओजाःतेरा भगवानराः नपाय सरवन 7:11

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपेरीग सेरमो देसरीग अपापे भगवान एचेरेकू असेयता हँकुःआ होड़कू लगा नपाय जिनिसकून चिला लगा मेरेय एमेकेःआ?

इबरानी 13:8

ईसू मसी मड़ंगाः जूगरे अरू नाःआ जूगरे अरू सगर सइट कहियो मेरेय बदलाःता।

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

1 एहुना 1:5

भगवान मरसल इदानिया अरू हाँय एचेरे अंदरा इया तोनोंगाः कोनोवानेःआ। नानाः सरवन अले हाँय अतेले अयूमकेरा अरू अपे एचेरेले कता उदुःगेतना।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

लूका 11:13

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपे अते अगम नपाय अपेरीग सेरमो देसरीग अपांग एचेरे सुद बिरुवापे असेय दो, अपे लगा चिला लगा मेरेय एमेकेःआ?”

1 कुरिंती 4:7

अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

1 एहुना 4:10

अबू भगवान मेरबू अलार-दुलारगरिया, मनदो भगवान अबूय अलार-दुलारकेरा अरू अबूराः कसूर बराव एंडाकेडखन एचे मनावगेय लगा अनँयग बेटात अबू लगाय डंडियावतिरिया। नाःआ अते भगवान अबूय दुलारकेरा।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

एहुना 1:9

होड़कू लगा सताय जीवराः मरसले एमेता हाँयग होड़ चउंदीसरे वेग लगाय दोहोना।

उदुःतो कताकून 21:23

भनगवान विड़चेड़तना हनालगा बेर अरू बांगोते हना सहर मरसलगे लगा कोवानेःआ। अरू नाःआ सहरराः ढिबरी, भेड़ा होन दोहोना।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

उदुःतो कताकून 22:5

हंडा कहियो ओरो अयूबनेना। परबू भगवान हँकू मरसले एमेवाकूता। हनालगा हँकूके ढिबरी अरू बेर, मरसल एमे लगा ओरो दोहोनेना। अरू हँकुःआ सेवकियाकू सगर सइट लगा राजाकू इयाकू राइजगेता।

एकूब 1:5

मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

एकूब 3:15

नाःआ इयाःआ कनहून भगवान अगीते मेर होयाःता, मनदो नाःआ चउंदीसरिकुःआ होड़कूराः हवे। नाःआ इयाःआ ओंगोल मनुवाकूराः अरू कलउराः ओंगोल हवे।

पिलिपी 1:29

अपे ईसू मसी एचेरे बिसवासगे लगा एकला कोवान, मनदो हाँय लगा कटसिया हों सहाव लगाय दहिनवाडपेःआ।

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

एहुना 3:3

दो ईसू हाँय एचेरेय कता कुदातेरा, “आम ईंगमे अयूम, तोनोंगीग होड़ अरू मी तुरहा, मेरेय जनमाः दो हाँय भगवानराः राइजरे ओरोय मेसा अवेनेना।”

1 तिमुतियूस 6:16

हनाँय एकला सगर सइट लगा जीयत इदानिया अरू मुरुक विड़चेड़तो मरसलरेय दोहोनता। तोनोंगीग होड़ हाँय तोनोंग बेला मेरकू ञेलगडिया अरू तोनोंगीग होड़ हाँय ओनोरोकू ञेल अवेतिरिया। हाँयके मान मरजइत होया ञवन अरू हाँयराः राइज जनामा जूग वरी दोहोन। आमीन!