इबरानी 9:7 - Korwa Bible

⁷ मरंग पुजउरी एकला मी बरिसरे मिनी तुरहा जानरकूराः बलंगी गोःकेडखन भितरी छिनारेय बोलता। हना बलंगी अनँयग अरू एटाः होड़कू बेगर सुदीतेकू कसूरगोडा हना कसूरकून भगवान बराव एंडा लगा बलिदाने एमेगेता।

इबरानी 9:7 Referans Kwoze

इबरानी 7:27

एटाः पुजउरीकू इया हाँय सगर दिन मड़ंग अनँयगराः कसूर लगा अरू हना तयोमते होड़कूराः कसूर लगा बलिदान एएमे लगा कोवानेःआ। हाँय मिनी तुरहा होड़कूराः कसूर लगा अनँयग बलिदानकियानखने पुरावगोतेडा।

इबरानी 10:3

मनदो हना बलिदानते सगर बरिस होड़कू अँननकूराः कसूरकूनकू उहियारगोड ञवना,

इपीसी 4:18

हँकू तोनोंगाः मेरकू बुझाःता अरू डोंडोले डोंडो इदानकुःआ अरू हँकू केटेग जीव होड़कू इदानकुःआ। हनालगा हँकू भगवान मेरकू सुदी अवेयता अरू हाँय अते एनेटाःरे इदानकुःआ।

इबरानी 6:19

भगवान एचेरे इदा अबूराः हना असरा अबू जीव लगा मीटोंग पहटाराः खुंटा इया जबड़ अरू बड़ियाड़ इदा। दो नाःआ असराते मरंग परदाराः मार परोम मुरुक सुद ततेररे भगवानराः मड़ंगरे बोलोत इया इदानबुःआ।

इबरानी 9:3

अरू बार नमारराः परदा मार परोम मुनुरुक सुद ततेर माःआनकू कतावाता।