इबरानी 9:11 - Korwa Bible

¹¹ दो नुँहू मसी, नाय नपाय कता-जमकावतोरीग मरंग मूक पुजउरी बड़ाँवकियानखने वेगकिया। हाँय मड़ंगाः टपइर ओड़ाः अते मरंग अरू बेगर गारबारराः टपइर ओड़ाःरेय बोलो पारयना। हना टपइर ओड़ाः तोनोंगीग होड़ मेरेय तुलागतेरा अरू हान नाःआ चउंदीसरे कोवानेःआ।

इबरानी 9:11 Referans Kwoze

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

इबरानी 10:1

दरवाःआ हना सताय नपाय कताकूनराः उंबूल इया मोसेसराः नियमकून इदा। हनालगा सगर बरिस मिनी बरानाः बलिदान घड़ी घड़ी एमेय लगा भगवान एचेरेकू वेगता, हँकुःआ होड़कू हना बलिदानते कहियो ओरोकू उडु-बुडूनेना।

मरकूस 14:58

नाँयग होड़ नाःआ इयाय कताया हनाले अयूमकेरा, तिःईतेकू तुलाकेरा हना भगवानराः ओड़ाः एचे रूब एंडागोडतिंग अरू तिःईते मेरकू तुलागरा एटाःआ ओड़ाः पेय दिनरेयिंग तुलागोडता, माःआन।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।

मूक चेलाकू 7:48

हनारे हों भाबी भगवान होड़कू तुलायता हना ओड़ाःरे मेरेय दोहोनता। भगवानराः बड़रा कतायीग होड़ कतातेरा हान इया,

2 एहुना 1:7

होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

एहुना 4:25

दो हाँयग अइमी कतातेरा, “ईंग सुदीयतना, मसी, किरिसत माःआनले कतावायता, हाँय वेग लगा इदानिया। हाँय वेग हनन बेला अले जमालेःआय उदुःवालेता।”

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

इबरानी 7:1

नाँयग मलकिसिदिक सालेम सहररीग राजा अरू भाबी भगवानरीग पुजउरीय दोहोना। इबराहीम, राजाकू हरुवावतेडखने कुदान मेला मलकिसिदिक सुदाय जुमावनेना। अरू हनमेला मलकिसिदिक इबराहीमे भलावातेडखने कताया, आमराः जीव-जहन नपाय जुवाः, माःआन।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,

कुलूसी 2:11

अपे मसी सुदापे मिनीयना, दो हाँय अपेराः बेनेलूराः नेवन चलाः एंडाकेडखने खतनाकेडपेःआ। नाःआ तोनोंगीग होड़ मेरकू एचेगरा, मनदो मनासी हमा एचेकेरा।

मती ओजाःतेरा भगवानराः नपाय सरवन 11:3

“वेग लगाय दोहोना हाँय अनम हवे जा? अले एटाः होड़ लगा ततंगी इदा जा?”

मती ओजाःतेरा भगवानराः नपाय सरवन 2:6

एहूदिया छतरराः बेतलहेम सहररिकुःआ होड़कू, अपे अते मी होड़ मनारंग राजाय बड़ाँःता, अरू हाँय ईंगरिकुःआ इसराएल होड़कूय अगुवाइवाकूता। हनालगा अपेराः सहर एहूदिया छतरराः एटाः सहरकून अते मरंगकू ओंगलेता।”

2 कुरिंती 4:18

दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

इबरानी 12:27

अरू मी तुरहा माःआने कताकेरा हना ननानाः उदुःता, झिकोड़ जुवाःता हना तुलात जिनिसकून टगाव एंडा जुवाःता, जेमहा मेर झिकोड़ अवेनता हना जिनिसकून दोनोहो जुवाः।

इबरानी 13:14

नाःआ चउंदीसरे अबूके सगर सइट दोहोन लगा तोनोंगाः सहर कोवानेःआ। मनदो अबू सगर सइट दोनोहोनता हनानाः सहर लगा हमा टक-टक इदानबुःआ।