इबरानी 9:1 - Korwa Bible

¹ दो मड़ंगाः कता-जमकावतोरे होड़कू भगवानकू जाग लगा चउंदीसरे मीटोंग सुद ततेर अरू नियमकून हों दोहोना।

इबरानी 9:1 Referans Kwoze

इबरानी 8:2

अरू तोनोंगीग होड़ मेरकू तुलागरा, मनदो भनगवान तुलाकेरा हना सुद ततेर अरू सताय टपइर ओड़ाःरे हाँय सेसेवातना।

इबरानी 8:7

मड़ंगाः कता-जमकावतो बेगर गारबारते दोहोकुः दो एटाःआ कता-जमकाव लगा भगवान ओरोय ओंगोलकेःआ।

कुलूसी 2:8

होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

इबरानी 8:13

नाःआ नँवा कता-जमकावतो अते मड़ंगाः कता-जमकावतो भगवान जुनाय बड़ाँवगोतेडा। अरू जुना अरू जिलियावतो इदा हना ओहेन टगाव एंडा जुवाःता।

लूका 1:6

हँकिनाः होड़किन भगवानराः ओंगोलरे बेगर गारबार होड़किन दोहोना अरू हाँयराः जमा हुकुमकून अरू नियमकून बेगर गारबारतेकिन मनाःआ।

रूमी 9:4

हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।