इबरानी 8:6 - Korwa Bible

⁶ ईसू नाय नपाय कता-जमकावतोरीग बिच-बिचवाई होड़ इदानिया, अरू हना कता-जमकावतो नाय नपाय जबानते सनालाःतना। हनालगा ईसू चउंदीसरिकुःआ पुजउरीकू अते नाय नपाय सेवाय पवावकिया।

इबरानी 8:6 Referans Kwoze

इबरानी 7:22

नाःआ किरिया भगवान जोमतेरा अते ईसू नाय नपाय कता-जमकावतोरीग आभा पुरावदारे बड़ाँवनेना।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

2 पतरस 1:4

अरू अबू नाःआ मरंग अरू मुरुक किमइताः जबानकूनबू पवावकिया, जेमहा अबू हना जबानते, चउंदीसरिकुःआ होड़कूराः ललची ओंगोलते होयाःता हना बेनेलूराः नेवन अतेबू बनसाव जुवाः अरू भगवानराः लूर-नेवनरेबू मिनी जुवाः।

तितूस 1:2

अरू कहियो मेरेय लबराता हाँयग भगवान मुनुरुक जूग परियारेय जबानतेरा ओरो टुटीगनेना हना जीव लगाकू असरागे।

लूका 22:20

हनन इया जोम तयोमरे ईसू अंगूर रसराः डुबहाय सेपेंग गोःतेरा अरू नाःआ इया कतातेडखने एमेतेरा, “ईंगराः बलंगी तूःतान अते नँवा कता-जमकावतोयिंग जबानगेता। अरू नाःआ डुबहारे इदा हना अंगूर रस हनाराः चिनहा हवे।

रूमी 9:4

हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

इपीसी 2:12

अपे मसी अते हिगारतोपे दोहोना अरू इसराएल होड़कू सुदा अपेराः तोनोंगाः इताड मेर दोहोगान। भगवानराः जबानरे तोनोंगाः बंटा अपे लगा मेर दोहोगान अरू अपे भगवान मेनेरपे सुदीया अते, बेगर असराते नाःआ चउंदीसरेपे दोहोना।

1 तिमुतियूस 2:5

भगवान मिनीटोंग इदानिया अरू होड़कू अरू भगवान तलारे मिनी होड़ बिच-बिचवाई इदानिया। हनाँयग होड़ हवे ईसू मसी।