इबरानी 8:5 - Korwa Bible

⁵ चउंदीसरिकुःआ पुजउरीकू सेसेवातना हना टपइर ओड़ाः सेरमो देसराः सताय टपइर ओड़ाःराः उंबूल अरू अउल-तउल इया इदा। हनालगा मोसेस टपइर ओड़ाः भाये तुलागे मेला भगवान हाँये सेतावतेरा, “अयुमेमे! पहाड़रे नकलिंग उदुःवातेडमेःआ, हनन इया जमालेःआ तुतुला लगा इदा।”

इबरानी 8:5 Referans Kwoze

कुलूसी 2:17

नाःआ जमा रिती-बिधीकून दरवाःआ हना कताकूनराः उंबूल इया इदा, मनदो सताय कता ईसू मसीरेबू पवाःता।

इबरानी 10:1

दरवाःआ हना सताय नपाय कताकूनराः उंबूल इया मोसेसराः नियमकून इदा। हनालगा सगर बरिस मिनी बरानाः बलिदान घड़ी घड़ी एमेय लगा भगवान एचेरेकू वेगता, हँकुःआ होड़कू हना बलिदानते कहियो ओरोकू उडु-बुडूनेना।

इबरानी 9:9

नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 11:7

बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

मूक चेलाकू 7:44

अबूरिकुःआ खुटिपहार होड़कू लगा टयंगाब ततेररे भगवान सुदा जुमाःराः टपइर ओड़ाः दोहोना। हना टपइर ओड़ाः भगवान कता उदुःतेरा हनानाः अउल-तउल इया मोसेस तुलातेरा।

मती ओजाःतेरा भगवानराः नपाय सरवन 2:12

दो सेरमो देसरीग बराहील हँकू एचेरे सपनारे सेतावतेडकूखने कताया, अपे हरदोस राजा एचेरे अलोपे कुदा सेन, माःआन। हनालगा हँकू एटाः दूरते अँकूराः देसकू कुदा सेनेडा।

इबरानी 13:10

अबू लगा मीटोंग धाम इदा, मनदो टपइर ओड़ाःरेकू सेसेवाता हँकुःआ पुजउरीकूके हों हना बेदीरे देगतो बलिदान अते जोजोमराः हकतियार कोवानेःआ।

उदुःतो कताकून 15:5

हनते ईंग भगवानराः ओड़ाः, मतलोब भगवान सुदा जुमाःराः टपइर ओड़ाःराः दुवार, सेरमो देसरे गीगतोयिंग ञेलतेरा।