इबरानी 7:3 - Korwa Bible

³ हाँयरिकिनाः एंगा अपा कोवाकिना अरू हाँयरिकुःआ खुटिपहार होड़कू कोवाकुःआ। हाँयराः जीवराः बुँहड़ी सहे टुटीग कोवानेःआ, अरू हाँय भगवानरीग बेनेटात इया सगर सइट लगा पुजउरी बड़ाँवतोय दोहोनता।

इबरानी 7:3 Referans Kwoze

इबरानी 7:17

अरू हाँय बदीरे नाःआ इया हिदइत एमेत इदा, “आम मलिकिसिदिक इया, सगर सइट लगा पुजउरी इदानमेःआ।”

इबरानी 7:6

मलकिसिदिक लेवी गोतोररीग होड़ मेरेय दोहोगान। हनारे हों हाँय इबराहीमराः आन-धान अते दस बंटारे मी बंटाय गोःतेरा। अरू हाँय जबान पवावतो इबराहीम भलावातेडखने कताया, आमराः जीव-जहनकून नपाय जुवाः, माःआन।

मती ओजाःतेरा भगवानराः नपाय सरवन 4:3

हनते कलउ वेगनेनखन हाँय एचेरेय कतातेड, “आम भगवानरीग बेटा हवे दो, नाःआ दिरिकून रुटी बड़ाँः लगाम हुकुमगोड।”

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 7:1

नाँयग मलकिसिदिक सालेम सहररीग राजा अरू भाबी भगवानरीग पुजउरीय दोहोना। इबराहीम, राजाकू हरुवावतेडखने कुदान मेला मलकिसिदिक सुदाय जुमावनेना। अरू हनमेला मलकिसिदिक इबराहीमे भलावातेडखने कताया, आमराः जीव-जहन नपाय जुवाः, माःआन।

इबरानी 7:2

हनते इबराहीम हनाँय एचेरे लड़ाइते जितावनेनखन लुड़ी अगूत आन-धान अते दस बंटारे मी बंटाय ओवातिडिया। हाँयग मलकिसिदिकराः ञावराः अरत सतायराः राजा हवे। मनदो सालेमराः अरत सलसत हवे। हनालगा हाँय सलसतराः राजा हों इदानिया।