इबरानी 7:14 - Korwa Bible

¹⁴ अबू सुसुदीतना अबूरीग परबू एहूदा गोतोररेय जनमावनेना। अरू हना गोतोररिकुःआ होड़कू एचेरे पुजउरी बुता बदीरे मोसेस तोनोंगाः मेरेय कतागरा।

इबरानी 7:14 Referans Kwoze

उदुःतो कताकून 5:5

हनते मूक होड़कू अते मी होड़ ईंग एचेरेय कतातेरा, “अलोम इयाम। ञेलमे! एहूदा गोतोर अतेय जनमावकिया हाँयग कूल अरू दाऊद राजारीग डइड़-पखुड़ा, हाँय जितावकिया। हनालगा हाँय हना तोलतो कागद अरू मोहर लड़ा जुकूर इदानिया।”

लूका 3:33

नहसोन अमीनादाबरीग बेटात दोहोना अरू, अमीनादाब अरनीरीग बेटात दोहोना अरू, अरनी हिसरोनरीग बेटात दोहोना अरू, हिसरोन फिरिसरीग बेटात दोहोना अरू, पिरीस एहूदारीग बेटात दोहोना अरू,

उदुःतो कताकून 22:16

ईंग ईसू, आम नाःआ कताकून जमा कलसियारिकुःआ होड़कू एचेरेम कता उदुः लगा, ईंगरीग बराहील आम एचेरेयिंग वारकिरिया। ईंग दाऊद राजारीग डइड़-पखुड़ा अरू नइड़-बाँस होड़ हवे, अरू ईंग टेडेगता हाँयग अंगुः इपील हवे।”

रूमी 1:3

नाःआ सरवन भगवानरीग बेटात, अबूरीग परबू ईसू मसी बदीरे इदा। हाँय होड़राः मुरइतरे दाऊद राजारीग नइड़-बाँस होड़तेय जनमावनेना।

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

रूमी 2:3

ने सउंगता, भगवान हँकुःआ होड़कूय फनड़ियावकूता, मनदो आम ओंगलेतना, ननन इया बुता ईंग एचेय दो भगवान ईंग ओरोय डंडियावतिरिंगा, माःआन। दो आमराः ओंगोल इया भगवानराः डंडियावतेम बनसाव जुवाःता जा?

एहुना 20:28

दो तोमा कतातेड, “ने ईंगरीग परबू अरू भगवान।”

एहुना 20:13

दो हँकिन हाँय एचेरेकिन होंबोरतेड, “ने दिदी, आम चिला लगाम इयामतना?” दो हाँय कतातेड, “तोनोंगीग ईंगरीग परबूराः मुरदा तोनोंग होरे गोःयडा, अरू ईंग मेरिंग सुदीयतना हना करेय मंडावगोतेडा।”

लूका 1:43

ईंगरीग परबूरीग एंगात ईंग एचेरे वेग लगा चिला नपायिंग एचेकेरा?

पिलिपी 3:8

हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।

मती ओजाःतेरा भगवानराः नपाय सरवन 2:6

एहूदिया छतरराः बेतलहेम सहररिकुःआ होड़कू, अपे अते मी होड़ मनारंग राजाय बड़ाँःता, अरू हाँय ईंगरिकुःआ इसराएल होड़कूय अगुवाइवाकूता। हनालगा अपेराः सहर एहूदिया छतरराः एटाः सहरकून अते मरंगकू ओंगलेता।”

इबरानी 7:13

अबू पुजउरी बुता बदीरेबू कतायतना हाँयग पुजउरी ईसू, एटाः गोतोररीग हवे। मनदो हना गोतोररिकुःआ तोनोंगीग बेदीरे पुजउरी बुता मेरकू एचेगरा।

इबरानी 7:15

दो मलकिसिदिक इया हाँय पुजउरीय बड़ाँव जुवाःतान दो अबू कताकेरा हना कता अरू फड़ी-फड़ीबू सुदीगोडता।