इबरानी 6:5 - Korwa Bible

⁵ भगवानराः नपाय सरवन अरू दरवाःआ हना जूगराः जंगर सुदीकेडखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

इबरानी 6:5 Referans Kwoze

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

1 पतरस 2:3

भगवानराः कागदरे नाःआ इया ओजाःतो इदा, “परबू तुमिन नपाय इदानिया, हना अँननपे सुनुदीबाःकेरा।”

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

इबरानी 2:5

दरवाःआ हना चउंदीस बदीरेबू कतायतना दो, हना तोनोंगीग सेरमो देसरिकुःआ बराहीलकूराः आड़रे भगवान मेरेय जिमागरा।

मरकूस 6:20

हरदोस सुसुदीआय, एहुना बेगर गारबार अरू सुद होड़ हवे, माःआन। हनालगा हरदोस एहुनाय बोरोवाःआ अरू हाँय एहुना मेरेय ञेड ओवागडीग। तोनोंग बेला एहुनाराः कता अयूमवाडखन हरदोस ओंगोल बयाव जुवाःआ। मनदो हाँय एहुनाराः परसार बहालतेय अयुमेःआ।

मती ओजाःतेरा भगवानराः नपाय सरवन 12:32

अरू तोनोंगीग मनुवारीग बेटात बदीरे तोनोंगाः ओपता बड़राय कता हना कसूर हों भगवान बराव एंडागोडता। मनदो भगवानराः सुद बिरुवा बदीरेकू कतायता हना ओपता बड़रा, भगवान नाःआ जूगरे सहे दरवाःआ हना जूगरे हों कहियो ओरोय बराव एंडातेरा।”

इपीसी 6:17

भगवान अबूय सडावकेरा, हनानाः कता लोहाराः टुपी इया बोःरेपे हनारूबका अरू, सुद बिरुवा एमेयता हना भगवानराः सरवन तलवइर इयापे सनाबका अरू

इबरानी 4:12

भगवानराः सरवन जीयत अरू कड़िगाड़ इदा। हना सरवन बनर परोम धार दोहोनता हना तलवइरते हों मुरुक लसेर इदा। हन हनसा अरू जीव अरू गेट-गेट अरू तुबूल एटाः एटाःकेडखन बेधा पारगोडता अरू जीवराः चहाः अरू ओंगोल हों जासगेता।

इबरानी 11:3

बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।

1 पतरस 1:25

मनदो भगवानराः सरवन कहियो ओरो टगावनेना। अरू ननानाः सरवन अपे एचेरे पपरसार होड़कू परसार उदुःतेरा।