इबरानी 6:4 - Korwa Bible

⁴ मी तुरहा भगवानराः मरसल अरू दहिनकू पवावनेना, अरू एटाःकू सुदा सुद बिरुवातेकू मिनीनेनखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

इबरानी 6:4 Referans Kwoze

मती ओजाःतेरा भगवानराः नपाय सरवन 5:13

“अपे चउंदीसराः बुलुंग हवे। मनदो बुलुंगराः सेबेल मेर दोहोन दो, चिला जिनिसते हना बुलुंग सेबेलगुःता? दो हना बुलुंग तोनोंगाः बुतारे मेर वेगता। हना होड़कू बहरीकू तेके एंडागोडता अरू चोडकेडखनकू सेने पारता।

एहुना 15:6

तोनोंगीग ईंग सुदा मिनी मेरेय दोहोनतान दो हन अंगूरराः नइड़ इया गेडकेडखन तेके एंडागोडता अरू हना नइड़ झुरा जुवाःता। हनते होड़कू हना नइड़ मीरे हलंग जवारकेडखनकू बाल लो एंडागोडता।

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

एहुना 3:27

दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

इबरानी 10:32

अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।

मती ओजाःतेरा भगवानराः नपाय सरवन 12:45

हनते हाँय सेनेवाडखन हाँय अते, अरू बेलूर बेलूर सातगोटोंग भूतकूय अगूता अरू हाँयग होड़ एचेरेकू समसाव जुवाःता। हनते हाँयग होड़राः जीव मड़ंग अते अरू बेलूर जुवाःता। ननानाः इया नाःआ जूगरिकुःआ बेलूर होड़कूराः जीवरे होयाःता।”

गलातिया 3:2

मीटोंग कता ईंगपे उदुःवा। अपे भगवानराः सुद बिरुवा करा इयापे पवावकिया, नियम मनावकेडखन जा, नपाय सरवन बिसवासकेडखन?

2 तिमुतियूस 2:25

अरू घघंटाव होड़कू बेगर रीसते मंदरावकू लगा इदा। होनोयाःकून करे भगवान हँकूराः जीवकून कसूर अतेय एचे कुदायता अरू हँकुःआ होड़कू तयोमरे सनाताय कताकू सुदी अवेयता,

1 एहुना 5:16

तोनोंगीग होड़ गुजुःमिन मेरेय कसूरगरा हना आम ञेलकेरा दो हाँयग होड़ लगा भगवान एचेरेम अरजी अरू भगवान हाँयराः कसूर बराव एंडाकेडखन जीवे एमेयता। मनदो तोनोंग तोनोंग कसूर, होड़कू एचेयता दो हँकू गोएग जुवाःताकू। गुजुःमिन कसूरकेरा हँकुःआ होड़कू लगा भगवान एचेरेपे अरजी लगा मेरिंग कतायतना।

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

मूक चेलाकू 11:17

परबू ईसू मसी एचेरेबू बिसवासतेड मेलाबू पवावनेना हनानाः दहिन हँकू होंकू पवावनेना। दो भगवानराः बुता करा इयायिंग रोंकाव अवेय?”

इपीसी 4:7

मनदो नुँहू ईसू मसी अबू मेमेड होड़कू लगा अनँयग ओंगोल इया एटाः एटाः दहिनकून मयावाडबूखने एमेवाडबुःआ।

इपीसी 3:7

भगवान अनँयग जंगरते ईंगे मयावारा अरू हना मयाते नपाय सरवन एटाःकू एचेरे कता उदुःगे लगा, ईंग हाँयरीग सेवकिया होड़िंग बड़ाँवयना।

मूक चेलाकू 10:45

पतरस सुदा हंडाकू वेजेडा हँकुःआ एहूदा बिसवासी होड़कू बेगर एहूदाकू हों सुद बिरुवातेकू पेरेगनेनखन,

मूक चेलाकू 8:20

दो पतरस कता कुदातेरा, “आम भगवानराः दहिन ढिबुवाते किजा लगाम ओंगलेतना जा? आम अनमराः ढिबुवा सुदाम लाय जुवाःता।

एहुना 6:32

दो ईसू हँकू एचेरेय कताया, “अपे ईंगपे अयूम! अपे लगा मोसेस सेरमो अते रुटी मेरेय एमेगाड। मनदो ईंगरीग अपांग भगवान अपे लगा सताय रुटी सेरमो देस अतेय एमेयता।

गलातिया 3:5

ईंग अपे एचेरे अरूयिंग होंबरेतना। भगवान अपे सुद बिरुवाय ओवाडपेःआ अरू अपे तलारे बयाव जुवाः इयाःआ बुताकूने एचेकेरा। अपे नियमपे मनाः अते भगवान नाःआ जमाकूने एचेकेरा जा? कोनोवान। अपे ईसू मसीराः नपाय-सरवनपे बिसवासकेड अते भगवान नाःआ जमाकूने एचेकेरा।

मूक चेलाकू 15:8

जमा होड़कूराः इंदरीय सुदीता हाँयग भगवान, अबूय सुनावकेरा अरू हँकुःआ होड़कू लगा आँयग सुद बिरुवा एमेतेडखने उदुःतेरा, ईंग अपे होयिंग सुनावकेडपेःआ, माःआन।

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

2 तिमुतियूस 4:14

सिकंदर ञावीग टठेर ईंग लगा मुरुके कटसियानेना। अरू हना बदला परबू हाँये एमेवायता।

रूमी 1:11

अपे ञेल लगा उंभराव घड़ीनिंग दोहोनतना। सुद बिरुवाराः तोनोंग तोनोंग दहिनकून अपेयिंग एमेवा लगा होयिंग चहाःतना, जेमहा अपेराः बिसवास बड़ियाड़ जुवाः।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।