इबरानी 6:10 - Korwa Bible

¹⁰ भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

इबरानी 6:10 Referans Kwoze

मती ओजाःतेरा भगवानराः नपाय सरवन 10:42

अपे ईंगपे अयूम! तोनोंगीग होड़ ईंगरिकुःआ चेलाकू अते मी होड़ हुडिंगीग चेला लगा दाः ञूय लगाय एमेवाय दो, हाँयग होड़ भगवान अगीते इमाने पनावाःता।”

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

मूक चेलाकू 10:4

कुरनेलियूस बोतोरते हाँय अगी मी ढिट ञेलतिरिगखने होंबरेःआ, “ने परबू, चिला हवे?” दो हाँयग बराहील कतातेरा, “आमराः अरजी अरू गरीब होड़कू लगा आम एमेतेरा हना संघराते भगवान ननाययना।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

मरकूस 9:41

अपे ईंगपे अयूम, तोनोंगीग होड़ अपे मसी होड़कू इदानपेःआ अते गुनमिन हों दाः ञूय लगाय एमेवापेता दो हाँय लगा भगवान इमाने एनेमेवायता।

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

मूक चेलाकू 11:29

दो हंडाकुःआ चेलाकू अँननकूराः पुंजी पसारकून एहूदिया छतररिकुःआ बिसवासी होड़कू संघरावाकू लगाकू एमेतेरा।

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

मूक चेलाकू 10:31

अरूय कताया, ने कुरनेलियूस, भगवान आमराः अरजीय अयूमगोतेडा अरू गरीब होड़कूम संघरावाःआ हना हों भगवान जुकूर इदा।

एहुना 13:20

अपे ईंगपे अयूम! ईंग वारेयता हाँयग होड़ तोनोंगीग मनेवायता, दो हाँय ईंगे मनेवाता अरू ईंगे मनेवाता हाँय, ईंगे वारकेरा हाँये मनेवाता।”

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

2 कुरिंती 9:1

भगवानरिकुःआ सुद होड़कू लगा बिहिरी उतराव बदीरे अपे एचेरे ईंग ओओजाः लगा कोवानेःआ।

1 एहुना 1:9

भगवान सताय अरू बिसवासगेयीग इदानिया। नानाः लगा अबू भगवान एचेरे सेनेकियानखनबू बकाःता, ईंग कसूरकिरिंग, माःआन, दो हाँय अबूराः कसूरे बराव एंडागोडता अरू जमा बरानाः गारबार अबूराः जीव अतेय अमिंगगोडता।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इबरानी 10:32

अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।

मती ओजाःतेरा भगवानराः नपाय सरवन 20:7

दो हँकू कता कुदातेरा, अले तोनोंगीग बुता लगा मेरकू उदुःवागाडले। हनालगा अले इसने ननंडा इदानलेःआ। दो हाँय हँकू एचेरेय कतातेड, अपे हों सेनेकियानखन ईंगराः अंगूर बगइचारेपे बुता।

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।