इबरानी 5:1 - Korwa Bible

¹ होड़कू अते सुनावतो मी होड़ होड़ हवे मूक पुजउरी। हाँय भगवानराः कताकून बदीरे होड़कू अगीते बिच-बिचवाई होड़े दोहोनता। हाँय हँकू लगा दान अरू कसूरराः बदलारे बलिदान भगवाने एमेवाता।

इबरानी 5:1 Referans Kwoze

इबरानी 8:3

जमा मूक पुजउरीकू दान अरू बलिदान देग लगा सुनावतोकू दोहोनता। हनालगा नाँयग मूक पुजउरी ईसू एचेरे हों दान अरू बलिदान एएमे लगा तोनोंगाः होनोयाः इदा।

इबरानी 10:11

दो पुजउरीकू सगर दिन टपइर ओड़ाः पेंदारे चड़ाँकियानखनकू सेवागोड ञवनता अरू हनानाः बलिदानकून घड़ी घड़ीकू देगगोड ञवनता। मनदो हना बलिदानकूनते होड़कूराः कसूरकून कहियो मेर बराव एंडा अवेयता।

इबरानी 11:4

बिनिसवासते हाबील वगात काइन अते मुरुक नाय नपाय बलिदान भगवान लगाय देगतेरा अरू भगवान हाँयराः बलिदान बदीरेय ननायनेना। हनानाः लगा हाबील बेगर गारबारीग होड़ हवे, माःआन भगवान भल-भलायवातेरिया। हाँय गोएगयनाय हनारे हों, नुँहू वरी हों हाँयराः बिसवास बदीरेबू चेडगोड ञवनतना।

इबरानी 9:9

नाःआ जमा कताकून नाःआ जूगरिकुःआ होड़कू लगा मीटोंग अउल-तउल कता इया इदा। ननानाः अते अबू सुदी अवेयता, भगवानकू जागता हँकुःआ होड़कूराः ओंगोल, दान अरू बलिदान देग अते मेर सुदगुःता।

इबरानी 7:27

एटाः पुजउरीकू इया हाँय सगर दिन मड़ंग अनँयगराः कसूर लगा अरू हना तयोमते होड़कूराः कसूर लगा बलिदान एएमे लगा कोवानेःआ। हाँय मिनी तुरहा होड़कूराः कसूर लगा अनँयग बलिदानकियानखने पुरावगोतेडा।

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।

रूमी 15:17

अरू ईंग ईसू मसी अते भगवानराः बुतायिंग बुताता। हनालगा ईंग हना बदीरेयिंग भल-भलाय अवेनता।

1 कुरिंती 15:3

हनालगा ईंग चेडकिया हनानाः मनइद कता अपेयिंग चेडकेडपेःआ। भगवानराः कागदरे ओजाःतो इदा हनन इया ईसू मसी अबूराः कसूर लगाय गोएगनेना।

इबरानी 8:4

चउंदीसरे मोसेस एमेतेरा हना नियमकून इया दान एएमे लगा लेवी गोतोररिकुःआ मुरुक पुजउरीकू इदानकुःआ। हनालगा नाँय नाःआ चउंदीसरे दोहोकुः दो पुजउरी ओरोय बड़ाँवकुःआ।

इबरानी 10:12

मनदो मसी मिनी तुरहा सगर सइट लगा होड़कूराः कसूरकून बराव एंडा लगाय बलिदाननेना। अरू हना तयोमरे भगवानराः खउना तिःई गतररेय दुड़ुःयना।