इबरानी 4:12 - Korwa Bible

¹² भगवानराः सरवन जीयत अरू कड़िगाड़ इदा। हना सरवन बनर परोम धार दोहोनता हना तलवइरते हों मुरुक लसेर इदा। हन हनसा अरू जीव अरू गेट-गेट अरू तुबूल एटाः एटाःकेडखन बेधा पारगोडता अरू जीवराः चहाः अरू ओंगोल हों जासगेता।

इबरानी 4:12 Referans Kwoze

इपीसी 6:17

भगवान अबूय सडावकेरा, हनानाः कता लोहाराः टुपी इया बोःरेपे हनारूबका अरू, सुद बिरुवा एमेयता हना भगवानराः सरवन तलवइर इयापे सनाबका अरू

1 पतरस 1:23

अपेराः नँवा जनम तोनोंगाः लाय जुवाःता हना जिनिसते मेर होयागना, मनदो जीव एमेयता अरू कहियो ओरो टगावनेना हना भगवानराः सरवनते होयाकिया।

उदुःतो कताकून 1:16

हाँय अनँयग खउना तिःईरे सातगोटोंग इपीलकूय साबकातेरा अरू हाँयराः आहते मीटोंग बनर परोम लसेर तलवइर उडुंगतो दोहोना, अरू हाँयराः सुरइत मुरुक लवकाःता हना बेर इया दोहोना।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

उदुःतो कताकून 19:15

राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

इपीसी 5:13

मनदो तोनोंग जिनिसरे मरसल विड़चेड़ता दो, अंदरा चलाः जुवाःता अरू हना जिनिस ञिलुःता।

लूका 8:11

दो ईसू अरूय कताया, “हना कहड़ीराः मतलोब नाःआ हवे। बिहान भगवानराः सरवन हवे।

एहुना 6:51

सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”

उदुःतो कताकून 19:21

जानररिकुःआ सइनाकू जमाकू उजड़ घोड़ा सलावदारराः आहते उडुंगनेना हना तलवइरतेकू ञेड एंडायान। अरू जमा तितीगकू हँकूराः मास मुरुक हबर-सबरकू जोम बी ञेडयान।

उदुःतो कताकून 2:16

हनालगा अपे कसूर अते भगवान अगी जीवपे कुदा। निही दो, ईंग ओहेन अपे एचेरे वेगकियानखन हँकू सुदा ईंगराः आहराः तलवइरतेयिंग लड़ाःता।

इबरानी 13:7

भगवानराः सरवनकू कता उदुःवातेडपेःआ हँकुःआ मूक होड़कूपे उहियारकू अरू हँकूराः नपाय जीवते चिला नफा होयाःतना हना ञेलकेडखन अपे हों हँकू इया भगवान एचेरे बिसवासकेडखनपे सलाः।

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।

मूक चेलाकू 2:37

नाःआ बड़राकू अयुमेःआ दो हँकुःआ होड़कूराः जीव कोड़-बिड़ावनेनखन पतरस अरू एटाः मूक चेलाकू एचेरेकू कतातेड, “वपक बोपोहकूताले, अले करा इयाले करजुः?”

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

1 तिसलूनिका 5:23

जमा होड़कू लगा सलसते एमेयता हाँयग भगवान जमा बरानाःते अपेराः जीव सुदे दोहोगे अरू परबू ईसू मसी कुदा वेगता हना दिन वरी अपेराः देह, जीव अरू हनसा बेगर कसूरते दोहोगे लगा होयिंग अरजीतना।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

मूक चेलाकू 5:33

पंचाइतरिकुःआ होड़कू नाःआ बड़राकू अयूमतेड दो हँकू मुरुक रीसतेकू रंजावयान अरू हँकू ञेड एंडा लगाकू ओंगलेःआ।

एहुना 12:48

ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता।

मूक चेलाकू 7:38

सेरमो देसरीग बराहील सीनाई पहाड़रे मोसेस एचेरेय बड़रानेन मेला मोसेस टयंगाब ततेररे भगवानरिकुःआ होड़कू दोहोना अबूरिकुःआ खुटिपरिया होड़कू सुदाय दोहोना। अरू हाँयग मोसेस भगवान अगीते अबूय एमेवा लगा जीयत सरवने पवावकिया।

इपीसी 5:26

भगवानराः सरवनते कलसिया, दाःतेकू बुहाल अमिंगगुःता हनन इया सुदगे लगा मसी अनँयग आँयग जिमानेना,

इबरानी 6:5

भगवानराः नपाय सरवन अरू दरवाःआ हना जूगराः जंगर सुदीकेडखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?