इबरानी 4:11 - Korwa Bible

¹¹ हनालगा अबू जमा इयाःआ मिहनइत घड़ीन हनानाः लोड़ोन अटकारगे लगाबू कुरनिसगोड ञवन, जेमहा तोनोंगीग हुकुम मेरकू मनावगान हँकुःआ होड़कू इया अलोबू बेगेनान।

इबरानी 4:11 Referans Kwoze

इबरानी 3:18

अरू भगवान आँयगराः हुकुम मेरकू मनावगान हँकुःआ होड़कू सुदा किरियाय जोमतेरा, ईंग लोड़ोन लगायिंग एमेवाकूता हंडा कहियो ओरोपे बोलो अवेनेना, माःआन।

लूका 13:24

“ईंग अपे एचेरेयिंग कतायतना, मुरुक बगरा होड़कू बोल लगाकू चहाःता मनदो ओरोकू बोलो अवेनेना। हनालगा सेपटा दुवारते भगवानराः राइजरे बोल लगापे कुरनिसगे।

इबरानी 6:11

अपे जमाकू एचेय लगा ननन इया टुटीग बेला वरी ओसताजपे दोहोन लगाले चहाःतना, जेमहा अपे असराकेरा हना जमा दहिनकूनपे पवाव जुवाः।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

इबरानी 3:12

दो ईंगरिकुःआ अजी बोपोहकूतिंग, जीयत भगवानराः दूर अते बहकावपेता हना बेनेलूर अरू बेगर बिसवासराः जीव अपे अते तोनोंगीग एचेरे अहा होयाः लगा सवासितीपे दोहोन।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

पिलिपी 2:12

दो ईंगरिकुःआ अजी बोपोहकूतिंग, अपे सुदायिंग दोहोन मेला, ईंगराः चेडतो जमा बेलापे मनावगोड ञवना। अरू नुँहू अपे सुदा कोवायिंगा हों अपे अरू नपायतेपे मनावगोड ञवन। भगवान सडावकेडकुःआ हँकुःआ होड़कू जियाः लगा इदा हनन इया, अपे हों भगवान मड़ंगरे अकूस मनाः घड़ीन मुरुक मिहनइतकेडखन जियाः लगा इदा।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

कुलूसी 3:6

ननानाः अते हुकुम मेरकू मनाःता हँकुःआ होड़कू एचेरे, भगवानराः रीस रंजाव जुवाःता।

मूक चेलाकू 26:19

दो अगरिपा राजा, सेरमो देस अतेयिंग पवावनेना हना दरसन ईंग कहियो मेरिंग टड़ावगाड।

लूका 16:16

मोसेसराः नियम अरू भगवानराः बड़रा कता होड़कूराः कता, बतिसमा एमेयीग होड़ एहुना वरीकू पपरसारा। अरू हनानाः बेला वरीते भगवानराः राइजराः नपाय सरवनकू परसार अअगूतना। अरू जमा होड़कू भगवानराः राइजरे रेनहा-पेलहाकू बोलता।

मती ओजाःतेरा भगवानराः नपाय सरवन 11:12

बतिसमा एमेयीग होड़ एहुनाराः बेला अते नुँहू वरी भगवानराः राइजरे मुरुक बगरा होड़कू रेनहा-पेलहाकू बोलतना अरूकू हातपातगेतना।

मती ओजाःतेरा भगवानराः नपाय सरवन 7:13

लायगुःराः दुवार सकड़ अरू हना दूर रिता इदा। अरू हना दुवारतेकू बोलता हँकुःआ होड़कू मुरुक बगरा इदानकुःआ। हनालगा सेपटा दुवारते भगवानराः राइजरे बोल लगापे कुरनिसगे।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

इबरानी 4:6

दो अदोम होड़कू नाःआ लोड़ोन अटकारगे लगा हन नुँहू वरी सनालाव वेगतना अरू मड़ंगरे नपाय सरवनकू अयूमतेरा हँकुःआ होड़कू हुकुम मेरकू मनावगान अते, हना लोड़ोन मेरकू अटकार अवेगाड।

2 पतरस 2:6

सदोम अरू अमोरा सहररिकुःआ होड़कू, अरीनकू ओनोबगुः वरी सेंगेलते भगवान लो एंड़ातेडकूखने डंडियावतेडकुःआ। दरवाःआ हना दिनरे भगवानराः कता मेरकू मनाःता हँकुःआ होड़कू लगा हना डंडियाव मीटोंग चिनहा इयाय दोहोकेरा।