इबरानी 3:6 - Korwa Bible

⁶ मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 3:6 Referans Kwoze

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

1 कुरिंती 3:16

अपे मेरपे सुसुदीतना जा, अपे भगवानराः ओड़ाः हवे अरू हाँयराः बिरुवा अपे जीवरे दोहोनता?

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

इबरानी 10:35

हनालगा अपे डीड़कियानखन भगवान एचेरेपे असरागोड ञवन। दो भगवान अपे मरंग इमाने एमेवापेता।

इबरानी 6:11

अपे जमाकू एचेय लगा ननन इया टुटीग बेला वरी ओसताजपे दोहोन लगाले चहाःतना, जेमहा अपे असराकेरा हना जमा दहिनकूनपे पवाव जुवाः।

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

इबरानी 10:23

अबूय जबानवारा हाँयग भगवान बिसवासगेयीग इदानिया। हनालगा अबू कबुलावकिया हना असरा, बेगर हिटोः डोबोःते नपायतेबू संभाड़ ञवन।

इबरानी 4:11

हनालगा अबू जमा इयाःआ मिहनइत घड़ीन हनानाः लोड़ोन अटकारगे लगाबू कुरनिसगोड ञवन, जेमहा तोनोंगीग हुकुम मेरकू मनावगान हँकुःआ होड़कू इया अलोबू बेगेनान।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

मती ओजाःतेरा भगवानराः नपाय सरवन 10:22

अरू ईंगराः ञाव अते जमा होड़कू अपेकू हिनइस-बिनइसवापेता। मनदो अरीन टुटीगगुः वरीय सनाहाव ञवन हनाँयग होड़ भगवान सडावगेयता।

1 तिसलूनिका 5:16

जमा बेला बनाहालतेपे दोहोन।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

मती ओजाःतेरा भगवानराः नपाय सरवन 24:13

मनदो टुटीग वरी सहाव घड़ीने दोहोनता हाँयग होड़ बनसाव जुवाःता।

उदुःतो कताकून 2:25

ईंग अरीनिंग कुदा वेग वरी, अपे एचेरे इदा, हना अपे मनावगोड ञवनपे।

उदुःतो कताकून 2:18

थायतिरा सहरराः कलसियारीग बराहील लगा नाःआ चिठीम ओजाः हितकाःतो सेंगेल इया मेड अरू सिरामइत पितड़ इया काट इदानीग भगवानरीग बेटात नाःआ इयाय कतायता,

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

गलातिया 6:9

अबू नपाय बुताबू बुतागोड ञवन लगा अबूराः जीव अहाबू हदराव ओवागे। दो भगवान तोल दोहोकेरा हना बेलारे हाँय अबू लगा इमाने एमेवाबूता।

रूमी 11:22

अपे नाःआ कता बदीरेपे उहियारगोड ञवन। भगवान मया ञवनताय अरू डंडियावकू लगा होंय सुदीयता। हाँय एचेरे मेरकू बिसवासगाड, हँकुःआ होड़कूय डंडियावतेडकुःआ अरू हाँय एचेरेकू बिसवासकेरा अपेय मयावागोड ञवनतना। अपे मेरपे बिसवासगे दो अपे हों हना डइड़ इयाय तपेग एंडागोडपेताय।

मती ओजाःतेरा भगवानराः नपाय सरवन 16:18

आम ईंगमे अयूम! आम परतस हवे, अरू नाःआ दिरिरे ईंग ईंगराः कलसियायिंग तुलाता अरू नरगराः तोनोंग इयाःआ जंगर हना अते ओरो जीताव अवेनेना।

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

इपीसी 3:12

अबू ईसू मसी एचेरे बिसवासकेडबूखन हनाँयते भगवान एचेरे बेगर बोरते अरू मुरुक डीड़तेबू सेने अवेनता।

इबरानी 4:16

अरू डीड़ घड़ीन मयादार भगवानराः गदी अगीबू सेन, जेमहा हाँय अबू मयावा घड़ीन अबूराः जरूरइत मेलाय संघरावाबू।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

इबरानी 7:19

हना अते, हना नियमकू चलाः एंडागोतेड। मनदो नुँहू हना नियम बदलारे मीटोंग अरू नाय नपाय असरा रेःएयना, जेमहा अबू भगवान एचेरेबू सेने अवेन।

इबरानी 10:19

हनालगा, ने अजी बोपोहकूतिंग, ईसू मसीराः बलंगीते अबू हना सुद ततेररे डीड़केडखनबू बोलो अवेनता।

इबरानी 10:21

अबू लगा मी होड़ मरंग मूक पुजउरी इदानिया, अरू हाँय एचेरे भगवानराः ओड़ाःराः हातपात इदा।

इबरानी 11:1

अबूराः बिसवास अबू असराता हना कताकून पका-निकागोडता अरू मेरबू ञेनेलता, हना कताकून सनाताय हवे माःआन एचे सुदीबाःकाता।

1 पतरस 4:17

भगवानरिकुःआ होड़कू भगवान फड़ियावकूराः बेला सोदोरकिया। अरू फड़ियावगे लगा अँननबू अतेय बुँहड़ीगेता दो, भगवानराः नपाय सरवन मेरकू बिसवासगेता हँकुःआ होड़कूराः जीव करा इया होयाःता?

उदुःतो कताकून 2:26

जितावबाः जुवाःता अरू ईंगराः ओंगोल इयाय सलावगोड ञवनता हाँयग होड़ लगा, जमा जइत होड़कू एचेरे हातपातिंग एमेवायता।