इबरानी 3:2 - Korwa Bible

² मोसेस भगवानराः ओड़ाःरिकुःआ होड़कू लगा बिसवासगेयीगे दोहोना। हनन इया ईसू हों अनँयगे सुनावकेरा हाँयग भगवान एचेरे बिसवासगेयीगे दोहोना।

इबरानी 3:2 Referans Kwoze

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

इपीसी 2:22

ईसू मसीरे सुद बिरुवाते अपे बेगर एहूदाकू हों, भगवान दोहोन लगा ओड़ाःपे बड़ाँःतना।

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।

एहुना 17:4

ईंगमे जिमावातेरा हना बुता चनाबाबाःगोतेडिंग अरू नाःआते आमिंग एचे मान मरजइतकेरा।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

एहुना 15:10

ईंग, ईंग अपांगराः हुकुमकूनिंग मनाःता अरू हाँय सुदा ईंग अलार-दुलारगोड ञवनता, हनन इया अपे ईंगराः हुकुमकूनपे मनाः दो अपेयिंग अलार-दुलारगोड ञवनता।

एहुना 8:29

ईंगे वारकेरा, हाँय ईंग सुदा इदानिया। हाँय मंजूरवाता हना बुता सगर सइटिंग बुतागोड ञवनता। हनालगा हाँय ईंग, एकला मेरेय अड़ाःगींगता।”

एहुना 7:18

अनँयग ओंगोलतेय कतायता हाँयग होड़ अनँयग मान मरजइतगुः लगाय चहाःता। मनदो तोनोंगीग हाँये वारकेरा हनाँय मान मरजइतगे लगाय चहाःता दो, हाँय सताय होड़ हवे अरू हाँय एचेरे तोनोंगाः गारबार मेर दोहोनता।