इबरानी 2:16 - Korwa Bible

¹⁶ हाँय सेरमोरिकुःआ बराहीलकू बदीरे मेनेरेय ओंगोल दोहोगेता, मनदो इबराहीमरिकुःआ नइड़-बाँस होड़कू लगाय ओंगोल दोहोगेता।

इबरानी 2:16 Referans Kwoze

गलातिया 3:29

अरू अपे ईसू मसीरिकुःआ होड़कू इदानपेःआ दो इबराहीमरिकुःआ नइड़-बाँस होड़कूपे बड़ाँवकिया अरू जबान इया इताडदारकूपे बड़ाँवकिया।

गलातिया 3:16

अपे ईंगपे अयूम, इबराहीम एचेरे अरू हाँयरिकुःआ नइड़-बाँस होड़कू अते मी होड़ एचेरे भगवान जबानतेरा। दो भगवानराः कागदरे हना जबान इबराहीमरिकुःआ मुरुक नइड़-बाँस होड़कू एचेरे मेरेय जबानगाड, मनदो मिनी होड़ एचेरेय जबानतेरा, अरू हनाँय हवे सडावदार मसी।

इबरानी 12:10

अबूरिकुःआ अआपकू अँननकूराः ओंगोल इया गुनमिन बेला वरीकू सुटियावबुःआ। मनदो भगवान अबूराः नफा लगा अबूय सुटियावता, जेमहा अबू हों हनाँय इया सुदबू होया जुवाः।

इबरानी 6:16

होड़कू अँननकू अते तोनोंगीग मरंगीगराः किरियाकू जोमता अरू हँकूराः तोनोंगाः अड़ा-चउकी किरिया जोमकेडखनकू फड़ियावगेता।

रूमी 2:25

आम मी होड़ एहूदा होड़ मोसेसराः नियम इयाम सलाः दो, खतनाराः रिती-बिधीते आमके नफा इदा। मनदो आम नियम इया मेरेम सलाः दो, आम मेरेय खतनागना हनाँयग बेगर एहूदा होड़ अते नपाय कोनोवामेःआ।

1 पतरस 1:20

भगवान चउंदीस तुला अते मड़ंग, ईसू मसीय सुनाव दोहोतिरिया, मनदो चउंदीस टुटीगगुःता हना अते मड़ंग दिनरे, अपे लगा भगवान हाँये उदुःवातेडपेःआ।

इबरानी 2:15

अरू जिलिंगी भइर गुजुःराः बोतोरते बेगारी होड़कू इयाकू दोहोना हँकुःआ होड़कूय अजइतकू।

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।