इबरानी 13:4 - Korwa Bible

⁴ सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

इबरानी 13:4 Referans Kwoze

गलातिया 5:19

होड़कू अँनकूराः बेलूर ओंगोल इयाकू एचेयता, हना जमाकून होड़कू एचेरे सिरामइत जुवाःता। हना जमाकून ननानाः हवे; सनहा-सनही, बेलूर बुताकून अरू गेतेग ठुड़ीनराः बेलूर ओंगोल,

गलातिया 5:21

इरा अरू बुनूलतो, लिमचोर-लमचोर, अरू नाःआ इयाःआ एटाः एटाः बेलूर बुताकून इदा। नाःआ जमाकूनराः बदीरे अपे मड़ंगरेयिंग सेतावतेडपेःआ अरू नुँहू होयिंग सेतावपेतना। नाःआ नाःआ इयाकू एचेयता हँकुःआ होड़कू तोनोंगीग भगवानराः राइजरिकुःआ इताडदारकू ओरोकू बड़ाँव अवेनेना।

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

1 कुरिंती 5:13

भनगवान हमा बेगर बिसवासी होड़कूय फड़ियावता। हनालगा भगवानराः कागदरे ओजाःतो इदा हन इया, “हाँयग बेनेलूर बुता होड़ अपे तलातेपे उडुंग एंडागोडेय।”

इपीसी 5:5

सनहा-सनही, बेलूर बुता सहे ललची ओंगोल, मुरती सेवा हवे। अरू नाःआ इयाकू एचेयता, हँकुःआ होड़कू लगा ईसू मसी अरू भगवानराः राइजरे तोनोंगाः इताड कोवानेःआ।

1 तिमुतियूस 3:12

कलसियारीग सेवकिया होड़ मिनीटोंग अइमी अअसूल लगा इदा अरू आँयग लइंकू अरू ओड़ाःरिकुःआ जमा होड़कू नपायते पला दरीकू लगा इदा।

1 तिमुतियूस 3:4

हाँय अनँयग ओड़ाःरिकुःआ होड़कू नपायते पला दरीकू लगा इदा। आँयग लइंकूतेन हों हाँयकू मान मरजइतकेडखन हाँयराः कता मनाः लगा इदा।

1 कुरिंती 7:38

दो बियाहगुःताय हाँयग होड़ नपायगेताय, मनदो मेरेय बियाहगुःता हाँयग होड़ अनारूय नपायगेता।

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।

तितूस 1:6

तोनोंगीग होड़ बेगर गारबारीग इदानिया अरू मिनीटोंग अइमी अअसूलता हनाँयग होड़ अगुवा बुता बुतागे लगाम सुनावगेय। अरू हाँयरिकुःआ लइंकू बिसवासी दोहोन इदा अरू तोनोंगीग अहाय ओपताकू, नँकू तुड़ेंग-तपेग इदानकुःआ अरू एंगात अपातराः बड़रा मेरकू अयुमेता, माःआन।

1 तिमुतियूस 5:14

हनालगा ईंग चहाःता, धंगड़ी रंडियाहीनकू सगइ जुवाःकू अरू लइंकूकू जनमाव अरू अँननकू ओड़ाःकू सलाव। ननन इयाकू एचेय दो मुदइ होड़कू अबू ओरोकू बदी अवेतेडकुःआ।

1 तिमुतियूस 4:3

हँकुःआ लबरा होड़कू, होड़कू बियाहगुः अते अरू तोनोंग तोनोंग जिनिसकून जोम अतेकू रोंकावकूता। मनदो भगवान जमा जोम जिनिसकून, सतायकू सुदीयता हँकुःआ बिसवासी होड़कू, हाँय जागगेय घड़ीन जोम लगाय तुलाकेरा।

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

1 कुरिंती 9:5

पतरस अरू ईसूरिकुःआ एटाः मूक चेलाकू अरू ईसूरीग बोहोत, हँकू अँननकूरिकुःआ एपेराकू सुदा ईसूराः नपाय सरवनकू कता उदुःता। दो हँकू इया अलिंग हों ओरोलिंग एचे अवेतेरा जा?

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

इबरानी 12:16

अपे अते तोनोंगीग सनहा-सनही होड़कू सहे एसाव इया गारबार होड़कू अलोपे होयाः। दो मरंग बेटाकू पवाःता हना हातपात एसाव मी जुवारराः जोम जिनिस लगाय अकरिंग एंडागोतेड।

1 कुरिंती 6:18

अपे सनहा-सनही बुताकून अनाड़ाः एंडाबाःगोडपे। नाःआ कसूर अड़ाःकेडखन जमा बरानाः कसूरकून देह दगलीराः बहरी दोहोनता। मनदो तोनोंगीग सनहा-सनहीकूने एचेयतान दो हाँय कसूरकेडखन अनँयग देहे आडगोडता।

1 तिसलूनिका 4:6

नाःआ बड़रारे तोनोंगीग होड़ अनँयग बिसवासी वगत अडिगकेडखन हाँयरीग अइमी सुदा अहाय कसूरगे। अले मड़ंगरेले सेतावतेडपेःआ हना इया, नाःआ इयाकू एचेयता हँकुःआ होड़कू परबू भगवान डंडियावकूता।