इबरानी 13:16 - Korwa Bible

¹⁶ एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

इबरानी 13:16 Referans Kwoze

2 तिसलूनिका 3:13

ने अजी बोपोहकूतिंग, नपाय नपाय एचेगे लगा अहापे हदासगुः।

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

पिलिपी 4:18

अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिसलूनिका 5:15

तोनोंगीग अपे सुदा बेलूरे एचेय दो, हान इया अपे बदला अहापे कुदागे। मनदो अपे जमा बेला बिसवासी होड़कू लगा अरू एटाः होड़कू नपाय एचेगोड ञवन लगा ओसताजपे दोहोन।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

3 एहुना 1:11

ने ईंग सउंगता, तोनोंगीग होड़राः बेलूर लूर-नेवन इया अलोम जियाः, मनदो नपाय लूर-नेवनतेकुःआ होड़कू इयाम जियाः। तोनोंगीग होड़ नपाय नपाय बुताय एचेयता हाँय भगवानरीग होड़ हवे। मनदो बेलूर बुताय बुताता हाँयग होड़ भगवान कहियो मेरेय ञेलगरिया।

गलातिया 6:6

सरवने चिडुःता हाँयग होड़ अनँयगराः आन-धान आँयगरीग चेडदार होड़े हटिंगवा।

पिलेमोन 1:6

ईंग अरजीतना आम जमा बिसवासी होड़कू सुदा संगइतीरे अरूम बगरा जुवाः, जेमहा भगवान अबू लगा ईसू मसीते अबू जीवे भलावातेडा हना बदीरे अरू नपायतेम बुझाव अवेन।

पिलिपी 4:14

हनते हों अपे करा इया ईंगराः कटसिया बेलारेपे संघरावातिरिंगा, हना दो ननपाय दोहोना।

मूक चेलाकू 9:36

जोपा सहररे मी होड़ अइमी दोहोना। हाँयराः ञाव दोहोना तबीता। नाःआ लबद उनानी भासीरे डोरकास माःआन हवे (नाःआ बनर लबदकूनराः अरत सरम हवे)। हाँय एटाः होड़कू लगा नपाय नपाये एचेया अरू गरीब होड़कूय संघरावाःआ।