इबरानी 13:14 - Korwa Bible

¹⁴ नाःआ चउंदीसरे अबूके सगर सइट दोहोन लगा तोनोंगाः सहर कोवानेःआ। मनदो अबू सगर सइट दोनोहोनता हनानाः सहर लगा हमा टक-टक इदानबुःआ।

इबरानी 13:14 Referans Kwoze

पिलिपी 3:20

मनदो अबूराः राइज सेरमो देस हवे अरू सेरमो देस अतेय कुदा वेगता अबूरीग सडावदार परबू ईसू मसी लगाबू टकागोड ञवनतना।

इबरानी 12:22

मनदो अपे नुँहू सीयोन पहाड़रे अरू जीयत भगवानराः सहर, सेरमो देसराः एरुसलेमरेपे सोदोरकिया।

इपीसी 2:19

ननानाः अते नुँहू अपे दुरीन देसरिकुःआ होड़कू इया कोवापेःआ। मनदो अपे भगवानरिकुःआ सुद होड़कू सुदा मिनी देसरिकुःआ होड़कू हवे अरू अपे भगवानराः ओड़ाःरिकुःआ होड़कूपे बड़ाँवयना।

2 कुरिंती 4:17

अलेराः निःई मिनाः गुनुनहोन कटसिया अते अले ओरोले अउल-तउल अवेतेरा हना इयाःआ मान मरजइत सगर सइट लगाले पवाव जुवाःता।

1 कुरिंती 7:29

ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

इबरानी 4:9

हनन इया इदान दो भगवानरिकुःआ होड़कू लगा मीटोंग मनइद लोड़ोन बनसावतो इदा।

इबरानी 2:5

दरवाःआ हना चउंदीस बदीरेबू कतायतना दो, हना तोनोंगीग सेरमो देसरिकुःआ बराहीलकूराः आड़रे भगवान मेरेय जिमागरा।

इबरानी 9:11

दो नुँहू मसी, नाय नपाय कता-जमकावतोरीग मरंग मूक पुजउरी बड़ाँवकियानखने वेगकिया। हाँय मड़ंगाः टपइर ओड़ाः अते मरंग अरू बेगर गारबारराः टपइर ओड़ाःरेय बोलो पारयना। हना टपइर ओड़ाः तोनोंगीग होड़ मेरेय तुलागतेरा अरू हान नाःआ चउंदीसरे कोवानेःआ।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

इबरानी 12:27

अरू मी तुरहा माःआने कताकेरा हना ननानाः उदुःता, झिकोड़ जुवाःता हना तुलात जिनिसकून टगाव एंडा जुवाःता, जेमहा मेर झिकोड़ अवेनता हना जिनिसकून दोनोहो जुवाः।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।