इबरानी 13:12 - Korwa Bible

¹² हनन इया ईसू हों अनँयगराः बलंगीते होड़कू सुदगुः लगा सहरराः हता बाहरी कटसियाय सहावतेरा।

इबरानी 13:12 Referans Kwoze

1 कुरिंती 6:11

अपे अते अदोम होड़कू हनन इयाकुःआ होड़कू दोहोना। मनदो परबू ईसू मसी अपे सडावकेडपे अते अरू भगवानराः सुद बिरुवाराः जंगरते भगवान अपेराः कसूरे बुहाल एंडागोतेरा, अरूय सुदकेडपेःआ अरू आँयग ओंगोलरे बेगर गारबार होड़कूय बड़ाँवगोतेडपेःआ।

मूक चेलाकू 7:58

हनते हँकू हाँय हना सहर अते बहरीकू ओर उडुंगतिरिया अरू हाँय चोटरे दिरिकून हाँय तेके गोजेय लगाकू तेकेया। दो हंडा मी होड़ डिंघा होड़ दोहोना। हाँयराः ञाव दोहोना साहूल। दो इसतपनूस चोटरे दिरिकू तेकेःआ हँकुःआ होड़कू, हाँयग साहूल एचेरे हँकूराः सेरमो तुसिंगतो सोनहेकू जिमाःतेरा।

इपीसी 5:26

भगवानराः सरवनते कलसिया, दाःतेकू बुहाल अमिंगगुःता हनन इया सुदगे लगा मसी अनँयग आँयग जिमानेना,

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

एहुना 17:19

हँकू लगा ईंग इनिंग सुदगुःता अरू हनाते हँकू सतायतेकू सुद जुवाःता।

इबरानी 2:11

होड़कू सुदे बड़ाँवकूता हाँय, अरू सुदकू बड़ाँव जुवाःता हँकू मिनी मइछुवारिकुःआ होड़कू इदानकुःआ। हनालगा ईसू हँकुःआ होड़कू, ईंगरिकुःआ अजी बोपोहकूतिंग माःआन राःकू लगा मेरेय गियुःता।

एहुना 19:34

मनदो सइना होड़कू अते मी होड़ ईसूराः पंजररे खरदातेय सोबोःगोतेडीग अरू हननमेला बलंगी अरू दाः उडुंगनेना।

लूका 4:29

हँकुःआ होड़कू रेमवाडखन ईसू हना गाँव अतेकू ओर उडुंगतिरिया। हँकूराः गाँव दोहोना हना पहाड़राः कराइन सेरमोकू गोःयाडीग अरू हना सेरमो अते ईसू तेके लोजोरगेय लगाकू ओंगलेःआ।

इबरानी 10:10

भगवानराः हिछा इया ईसू मसीराः देह सगर सइट लगा मिनी तुरहाय बलिदानयान। हनाते अबू सुदे बड़ाँवकेडबुःआ।

उदुःतो कताकून 14:20

हना डोडहा सहरराः बहरी दोहोना। अंगूरकू लेनतेरा हनमेला मुरुक बलंगी उडुंगनेना। अरू हना बलंगी घोड़ाकूराः आहराः लगाम वरी देगयान अरू मी सव कोस मिन तूयान।