इबरानी 12:4 - Korwa Bible

⁴ कसूर अते जीताः लगा अपे अते तोनोंगीग नुँहू वरी बलंगी मेरपे तूगड।

इबरानी 12:4 Referans Kwoze

1 कुरिंती 10:13

जमा होड़कू अंदजावरेकू पराःता, अरू हनन इया अपे लगा हों अंदजाव होयाःता। भगवान भरसागे इयायीग हवे। अपे सहाव अवेयता, हना अते बगरा अंदजावरे ओरोय पराव ओवातेडपेःआ। मनदो अपे जीवरे अंदजाव होयाः मेला, अपे ससहाव लगा हों भगवान अपे दूरे उदुःवापेता, जेमहा अपे अलोपे कसूरगे।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

उदुःतो कताकून 12:11

हँकुःआ बिसवासी होड़कू भेड़ा होनराः बलंगीते, अरू हाँयरिकुःआ हिदइतदारकू दोहोन अतेकू जितावयान। अरू हँकू गुजुः ततेररे हों, अँननकूराः जीव बनसावगे लगा मेरकू ओंगोल दोहोगाड।

मती ओजाःतेरा भगवानराः नपाय सरवन 24:9

हनते होड़कू अपे संतावपे लगा अरू ञेड एंडापे लगाकू जिमापेता। जमा जइतरिकुःआ होड़कू ईंगराः ञाव अते अपेकू हिनइस-बिनइसवापेता।

उदुःतो कताकून 18:24

भगवानराः बड़रा कता होड़कू अरू सुद होड़कूराः बलंगी अरू चउंदीसरेकू ञेड एंडातेडकुःआ, हँकुःआ होड़कूराः बलंगी अँननपे एचेरे इदा।”

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

पिलिपी 2:8

हाँय मनुवा इयाय दोहोना, अरू अनँयग आँयग हुडिंगे बड़ाँवनेनखन कुरूसरे गुजुः वरी हों भगवानराः जमा कताय मनावनेना।

इबरानी 13:13

दो ईसूकू बेग-हतावातेरा हनानाः बेग-हता सहावकेडखन हाँय एचेरे डेराकून बाहरी अबू हों सेन।